11.01.2022

Respublika maxsus komissiyasining 2020 yil 12 noyabrdagi yig’ilish qaroriga muvofiq barcha oliy ta’lim muassasalarida joriy yilning 16 noyabr kunidan, ya’ni bugundan oliy ta’lim muassasasi tomonidan ishlab chiqilgan chora-tadbirlar va reja-grafik asosida o’quv jarayonini an’anaviy shaklda davom ettirish belgilangan edi. Shuningdek tegishli tayyorgarlik asosida o’quv jarayonini an’anaviy shaklda davom ettirish bo’yicha barcha chora-tadbirlar ko’rish so’ralgan edi.Buxoro davlat universiteti tomonidan ham reja-grafik ishlab chiqildi va kerakli chora-tadbirlar ko’rilgan holda universitetning birinchi bosqich kunduzgi hamda kechki ta`lim yo'nalishlari talabalari 16 noyabrdan an’anaviy ta’limga o’tdi. Shuni aytib o'tish kerakki, an'anaviy ta'limga kelish majburiy emasligi barcha talabalarga birdek aytilmoqda.Bugun Buxoro davlat universiteti rektori, iqtisodiyot fanlari doktori, professor O.X. Xamidov Agronomiya va biotexnologiya fakultetida 1-kurs talabalariga an'anaviy darslarni boshlab berdi. O'z so'zida Obidjon Xafizovich yoshlarga talabalik baxtiga erishganliklari bilan muborakbod etib, kelgusidagi ishlarida muvaffaqiyatlar tiladi. Universitet rektori talabalardan universitet kutubxonasidan hamda elib.buxdu.uz elektron kutubxonasidan foydalanishni, prezidentimizning yoshlarga yo'naltirilgan muhim besh tashabbuslari asosida bo'lib o'tadigan tadbirlarda faol qatnashishlarini ta'kidlab o'tdi. Shuni aytish joizki, o'qish jarayonlari qisqartirilgan vaqtlarda 3 smenada o‘tkaziladi. Talabalarni xavfli yuqumli kasallikdan asrash uchun barcha zarur choralar ko‘rilgan. Binoga kiruvchi har bir talabaning tana harorati o‘lchanib, qo‘llar zararsizlantirilmoqda.  Dars jarayonida masofa saqlashga e’tibor qaratilgan.-O‘qish an’naviy tarzda boshlanishini eshitib rosa xursand bo‘ldim. Bugun ustozlar va kursdoshlarimni sog‘- salomat ko‘rganimdan mamnunman, albatta kursdoshlarimga karantin qoidalariga qat'iy rioya etishimiz zarurligi to'g'risida bir necha bor aytib kelmoqdamiz - deydi Agronomoya va biotexnologiya fakulteti talabasi Toshmurodova Maftuna.Universitetga Respublikamizning boshqa hududlaridan keluvchi talabalar uchun 980 o‘rin joylar tayyorlangan. Ular birin- ketin joylashtirilmoqda. Ushbu talabalar turar joylari faoliyati sanitariya-gigiyena va dezinfeksiya talablariga qat’iy javob beradigan normalarda tashkil etilib,  talabalarning yashashlari uchun jihozlangan, shuningdek, Tibbiyot punktlari ham tashkil etilgan. O‘quv jarayonlari karantin qoidalariga to‘liq rioya etilgani holda olib borilyapti. Universitetning asosiy kirish joyidagi postda dastlab talabalarning tana harorati o‘lchandi. Agar 37 darajadan past bo‘lsa, qo‘llariga maxsus antiseptik sepilib, niqob taqilgani holda universitet hududiga kiritiladi. Shuningdek dars jarayonlari olib boriladigan binolar, o‘quv xonalariga kirishda ham karantin postlari tashkil etilgan. Mashg‘ulotlarda qatnashayotgan professor-o‘qituvchilar ham karantin qoidalariga qat’iy rioya qilgan holda darslarni olib borishmoqda. Ularning ham tana haroratlari o‘lchanib, barchasi antiseptik, niqob, maxsus tibbiy qo‘lqoplar bilan ta’minlangan.BuxDU Matbuot xizmati