11.01.2022

Davlatimiz rahbarining 2017 yil 5 iyuldagi “Yoshlarga oid davlat siyosati samaradorligini oshirish va O’zbekiston yoshlar ittifoqi faoliyatini qo’llab-quvvatlash to’g’risida”gi farmoni, 2017 yil 18 iyuldagi “O’zbekiston yoshlar ittifoqi faoliyatini takomillashtirishga doir kompleks chora-tadbirlar to’g’risida”gi qarori mamlakatimiz yoshlari hayotida yangi davrni boshlab berdi. Mazkur hujjatlar asosida O’zbekiston yoshlar ittifoqi markaziy Kengashi va uning hududiy Kengashlari faoliyati yo’lga qo’yildi. Yoshlar manfaatlarini himoya qilish, ularni har tomonlama qo’llab-quvvatlash, davlat va jamiyat hayotidagi faolligini oshirish yuzasidan vazifalar belgilab berildi.Bugungi kunda respublikamizning barcha hududlaridagi oliy ta’lim muassasalarida boshlang’ich tashkilot yetakchiligiga saylovlar tashkil etilayotgani yoshlarning intilish va tashabbuslarini qo’llab-quvvatlash hamda adolat mezonlariga amal qilinishiga xizmat qiladi. Oliy taʼlim muassasasi yetakchisi keng dunyoqarash, fuqarolik pozitsiyasi, boshqaruvchilik qobiliyatiga ega boʻlishi, ortidan koʻplab talabalarni ergashtira olishi, tengdoshlariga foydasi tegadigan yirik loyihalarni amaliyotga joriy eta olish salohiyatiga ega boʻlishi kabi xususiyatlari bilan boshqa talabalardan ajralib turadi.Joriy yilning 28-oktabr kuni soat 8:00 dan 24:00 ga qadar Buxoro davlat universitetida O’zbekiston yoshlar ittifoqi boshlang'ich tashkiloti yetakchisini saylash bo’yicha https://docs.google.com platformasi orqali online-saylov so'rovnomasi o’tkazildi. Ovoz berish  ertalab soat 8:00 dan 24:00 ga qadar so‘rovnoma  universitet  rasmiy sayti va ijtimoiy tarmoqlardagi kanallarida, fakultet, guruh telegram kanallarida e’lon qilindi. https://docs.google.com platformasida belgilangan so‘rovnoma asosida ovoz yig‘gan nomzodlar  natijalari yuzasidan saylov komissiyasi tomonidan har bir komissiya a’zosi zimmasiga yuklatilgan vazifalarni to‘laqonlik bilan bajargan deb hisoblandi hamda saylovda quyidagi natijalar qayd etilganligi inobatga olindi:Karimov Feruz Raimovich 1891 ta ovoz 46,5 %Xalilova Shaxlo Ravshanovna 1695 ta ovoz 41,7 %Xalilov Farxod Mustaqimovich 481 ta ovoz 11,8 %Saylov natijalariga ko‘ra eng ko‘p 46,5 % ovoz olgan F.R.Karimov universitet yoshlar ittifoqi yetakchisi lavozimiga tayinlandi.Saylov jarayonini O‘zbekiston yoshlar ittifoqi Buxoro viloyati Kengashi raisi Sherzod Tilavov, Buxoro davlat universiteti Yoshlar bilan ishlash, ma`naviyat va ma`rifat bo`lim boshligʻi A.Jumayevlar kuzatib borishdi. Saylov ishlari shaffoflik va adolatlilik tamoyillari asosida olib borildi. BuxDU Matbuot xizmati