11.01.2022

Buxoro davlat universiteti Xorijiy tillar fakulteti Ingliz adabiyotshunosligi kafedrasi jahonning turli nufuzli OTMlari bilan samarali hamkorlik ishlarini yo'lga qo'yishgan. Jumladan, kafedraning katta oqituvchisi, PhD M.B. Axmedova tashabbusi bilan Germaniya, Kanada, Hindiston va boshqa davlat universitetlarining malakali professor- oqituvchilari bilan turli vebinarlar va onlayn darslar tashkil qilinmoqda. Shuni ta’kidlab otish joizki, 27- oktabr kuni Xorijiy til va adabiyot yo`nalishi 1-kurs 11-1,2,3,4,5,6 chi 20-guruh talabalari bilan Adabiyotshunoslikka kirish fanidan ZOOM darsi tashkil qilindi. Ushbu dars QS reytingida 35-o'rinni egallagan Kanadaning McGill universitetida faoliyat yuritayotgan malakali mutaxassis, PhD Sumaira Nawaz hamda ingliz adabiyotshunosligi kafedrasi professor oqituvchilari ishtirokida olib borildi. Onlayn darsda 100 dan ortiq talaba ishtirok etdi. Sumaira Nawaz xonim “Introduction to literature” (Adabiyotshunoslikka kirish) mavzusidagi ma’ruzasida, talabalarga fanning maqsad-vazifalari, og'zaki va yozma adabiyotning farqlari, adabiy janrlarning xarakter-xususiyatlari borasida juda qiziqarli va boy ma’lumotlarni berib o`tdi. Talabalar o'zlarini qiziqtirgan savollarga javob olishdi hamda o`zaro fikr almashishdi. Bundan keyin ham shunday hamkorlik ishlari keng miqyosda olib boriladi, deb umid qilamiz.BuxDU Matbuot xizmati