Buxoro davlat universiteti Xorijiy tillar fakulteti Filologiya va tillarni o’qitish (ingliz) bakalavriat ta’lim yo‘nalishi 11.1-20 va 11.2 ing-20 (o'zbek) guruhlarida “BIRINChI KURS KO‘NIKMA MAKTABI” dasturi asosida guruh murabbiyi Yadgarova Z.T. talabalarlarni oliy ta’lim muassasasining infratuzilmasi va asosiy faoliyat yo‘nalishlari hamda fakultet dekani, uning muovinlari hamda fakultet kafedralari, an’anaviy ta’limda talabalarga oliy ta’lim muassasasining ichki tartib-qoidalari va odob-axloq qoidalari bilan tanishtirdi. Guruhdagi talabalarga Oliy ta’lim muassasasi bo‘ylab, ayniqsa, uning muhim va diqqatga sazovor joylariga video va foto sayohat qilishni taminlaydigan slaydlar va videolar qo'yib, ularning universitet togrisidagi taassurotlarini boyitdi.Dastur doirasida Buxoro davlat universiteti rasmiy sayti, o‘quv platformalari, elektron resurslari, axborot-resurs markazi sayti haqida ma'lumotlar va undan amalda qanday foydalanish haqida tushuncha va amaliy yordamlar berildi. Dastur davomida kafedra o'qituvchilari kafedra mudiri Rasulov Z.I. boshchiligida birinchi kurs uchun biriktirilgan xonalariga tashrif buyurib kafedra va uning professor-o'qituvchilari to'g'risida malumot berishdi. Kerakli o'rinlarda fan o'qituvchilari o’tiladigan mutaxassilik va ijtimoiy fanlari haqida umumiy ma’lumot berishdi, savollarga yetarlicha javob qaytarishdi . Dekan muovini, M.M.Tursunov esa masofaviy ta’lim platformasi (HEMIS), kredit-modul tizimi, talabalarning bilimini baholash tizimi, dars jadvali to'g'risidagi ma'lumotlar bilan bo`lishishdi. Xullas ,“BIRINChI KURS KO‘NIKMA MAKTABI” talabalarga Universitet to'g'risidagi taassurotlarining shaklanishida haqiqiy poydevor bo'lib xizmat qiladi.
