11.01.2022

2020-yilning 22-sentabr kuni Buxoro davlat universitetiga Vazirlar Mahkamasi huzuridagi ta`lim sifatini nazorat qilish davlat inspeksiyasi boshlig`i Toshkenboyev Ulug`bek Negmatovich  ishtirokidagi ishchi guruh tashrif buyurdi. Viloyatdagi oliy taʼlim muassasalari rahbarlari ishtirokida oʻtgan tadbirda masofaviy taʼlim sifati hamda bu borada amalga oshirilayotgan ishlar samaradorligi, OTMlarda professor oʻqituvchilarning ilmiy-pedagogik faoliyati va ilmiy faoliyat natijadorligi, dars sifati, talabalar bilimi va taʼlim olish uchun yaratilgan sharoitlar, xalqaro hamkorlik aloqalari hamda ish beruvchilar oʻrtasida bitiruvchilar boʻyicha  oʻtkazilgan soʻrovnoma natijalari tanqidiy muhokama qilindi. Shuningdek, OTMlarda masofaviy taʼlimni tashkil etishdagi kamchiliklar masofaviy taʼlim platformasi, onlayn darslarda talablar davomati, internet tezligi kabi holatlar yuzasidan fikr almashildi.  Yigʻilishda viloyatdagi OTMlarda sifat va samaradorlikni oshirish orqali milliy reytingdagi koʻrsatkichlarni yaxshilash masalasi ham koʻrib chiqildi.BuxDU Matbuot xizmati