11.01.2022

Bu yil mamlakatimizda o‘zbek tiliga Davlat tili maqomining berilganiga 31 yil to‘ladi. Bu yurtimiz hayotida shubhasiz buyuk tarixiy voqea. Mustaqilligimizning ilk kunlaridanoq til taraqqiyotiga alohida ahamiyat berildi.Davlatimiz mustaqilligi e'lon qilinishining ilk kunlaridanoq ona tilimiz o‘zining haqiqiy o‘rnini va mavqeini topdi. Ma'lumki, tilimiz dunyodagi qadimiy va boy tillardan biri hisoblanadi. Bugungi kunda uning mavqeini oshirish, sofligini ta'minlash maqsadida qonunchiligimizda ulkan ishlar, yangi islohotlar amalga oshirilmoqda. O‘zbekiston Respublikasi Prezidenti Mirziyoyev Shavkat Miromonovichning “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi Farmoni qabul qilinganligi, 2020 yil 10 aprel kuni Prezidentimiz tomonidan O‘zbekiston Respublikasining “O‘zbek tili bayrami kunini belgilash to‘g‘risida”gi Qonuni, qonunga ko‘ra 21 oktabr sanasi yurtimizda “O‘zbek tili bayrami kuni” deb e'lon qilinishi shular jumlasidandir.21 oktabr kuni Buxoro davlat universitetida ushbu bayram munosabati bilan so‘z mulkining sultoni, buyuk adib va mutafakkir shoir Alisher Navoiy byusti ostiga Harbiy ta’lim fakulteti rahbariyati hamkorligida bayramona libosda gulchambar qo’yish marosimi o’tkazildi.Marosimda prorektorlar, dekanlar, bolim boshliqlari, professor-o’qituvchilar, talabalar ishtirok etdilar. O‘zbek tiliga davlat tili maqomi berilganligi munosabati bilan universitet hovlisida ma'naviy-ma'rifiy mazmundagi tadbir o‘tkazildi. Tadbirni Yoshlar bilan ishlash bo‘yicha prorektor A.Kadirov ochib berib, viloyatimizda, xususan universitetimizda talaba yoshlar o‘rtasida til mavqeini yuksaltirish maqsadida hozirgi kunda “Ona tilim-jonu dilim” mavzusidagi insholar tanlovi, “Jahon minbaridan yangragan tilim” xeshtegi asosida tanlov, ZOOM dasturi orqali onlayn konferensiyalar o‘tkazilib, professor-o‘qituvchilarimiz tomonidan gazetalarda maqolalar, darslik va o‘quv qo‘llanmalar chop etilayotganligi to‘g‘risida gapirib o‘tdi.Bundan tashqari, o‘zbek tilining jozibadorligi, ona tilimizni e'zozlash, ardoqlash to‘g‘risidagi ma'ruzalari bilan Filologiya fanlari nomzodi, dotsent Sh.A.Hayitov, Filologiya fanlari doktori, professor D.H.Quvvatova, Filologiya fanlari nomzodi, dotsent N.Bekova hamda O‘zbekiston Yozuvchilar uyushmasi Buxoro viloyati bo‘limi rahbari, “Buxoronoma” gazetasining bosh muharriri Shodmon Sulaymon ishtirok etdilar. Tadbir davomida San'atshunoslik fakul'teti professor o‘qituvchilari tomonidan kuy va qo‘shiqlar, Filologiya fakul'teti talabalari tomonidan ona tilimizga bag’ishlab she'rlar ijro etildi. Tadbir karantin qoidalariga rioya etgan holda ko‘tarinki ruhda o‘tdi.\Yoshlar bilan ishlash, ma’naviyat va ma’rifat bo’limiBuxoro davlat universiteti Matbuot kotibi Otabek Jalolov