Halqaro yoshlar kuni munosabati bilan universitetda o`qish va ilmiy izlanishlarda, sport va san’at hamda jamoat ishlarida faol ishtirok etayotgan talaba-yoshlarni rag`batlantirish maqsadida “Yurt koriga yelkadosh yoshlar” mavzuida ma’naviy-ma’rifiy tadbir Viloyat hokimligining 2013 yil 4 noyabrdagi “Viloyatda mahalliy hokimliklar va huquq-tartibot idoralari tomonidan boshqaruv organlari hamda jamoat tashkilotlari bilan hamkorlikda 2013 yil noyabr oyi davomida o`tkaziladigan ma’naviy-ma’rifiy va umumprofilaktik tadbirlar rejasi” asosida joriy yilning 70 noyabr kuni Buxoro davlat universitetida «Yurt koriga yelkadosh yoshlar» mavzuida ma’naviy-ma’rifiy tadbir o`tkazildi. Mazkur tadbirda so`zga chiqqanlar muhtaram Prezidentimiz rahnamoligida mamlakatimizda yoshlarning har tomonlama barkamol avlod bo`lib voyaga etishiga alohida e’tibor qaratib yurtimizda har tomonlama sog`lom va barkamol avlodni tarbiyalash borasida keng qamrovli ishlar amalga oshirilayotganligi, istiqlolimiz va istiqbolimizning ertangi egalari bo`lmish yosh avlodga g`amho`rlik ko`rsatish, ularni hech kimdan kam bo`lmagan avlod sifatida kamol toptirish uchun barcha shart-sharoitlar yaratib berilayotganligi, jumladan, yoshlarning zamonaviy bilim, kasb-hunar egallashlari, fan va ilmiy-tehnikaviy faoliyatni olib borishlari, qolaversa, san’at va sport, ijod va ilmiy izlanishlari, tadbirkorliklarini yo`lga qo`yishlari uchun keng imkoniyatlar yaratilganligi, bu boradagi islohotlarning barchasi yoshlarimizning har jihatdan barkamol inson bo`lib shakllanishlari, pirovard natijada yurtimizning ertangi kuni uchun mas’uliyatni, Ona Vatani, shahar va qishlog`i, mahallasi va ota-onasi oldidagi burchlarini sidqidildan bajaradigan, buyuk ajdodlarimizning an’ana va qadriyatlariga sodiq farzandlar bo`lib etishlariga qaratilganligini alohida ta’kidlab o`tdilar. Tadbir davomida universitet rektorining 2013 yil 7 noyabrdagi 384-U sonli buyrug`i asosida universitetda o`qish va ilmiy izlanishlaridagi yutuqlari hamda 2013 yilgi pahta yig`im-terimi jarayonidagi fidokorona mehnatlarini inobatga olib universitet rahbariyati tomonidan 60 nafar talabalarning har bir 30 000 (o`ttiz ming) so`mdan, jami 1800 000 (bir million sakkiz yuz ming) so`m miqdorida pul mukofoti hamda 60 nafar talabalar “Tashakkurnoma” bilan, shuningdek, “Kamolot” YoIH Buxoro shahar Kengashi tomonidan 4 nafar talabalar qimmatbaho sovg`alar bilan taqdirlandi. Tadbirning badiiy qismida universitetning faol talabalari so`zga chiqib, mamlakatimizda yoshlar uchun yaratib berilgan shart-sharoitlar, jumladan, Buxoro davlat universitetidagi imkoniyatlar, horijiy tillar va ahborot-kommunikasiya tehnologiyalarini chuqur o`rganish, ilmiy izlanishlar olib borishlari uchun mavjud sharoitlardan unumli foydalanishlari, o`z bilim va salohiyatlarini yanada oshirib, kelajakda Vatanimizning taraqqiyotiga o`z hissasini qo`shishlari, yurtboshimiz ta’kidlaganlaridek dunyodagi eng rivojlangan mamlakatlarning yoshlaridan hech qaysi sohada kam emasliklari va kam ham bo`lmasliklari, shu yurtning bugungi kuni, ertangi kelajagi uchun mas’uliyatni chin dildan his qilishlari, bunyodkorlik va ezgu maqsadlaridan hech qanday yovuz va buzg`unchi g`oyalar chalg`itolmasligi, aksincha, mamlakatimizning rivojlanishi, tinch va osoyishtaligiga rahna solishga urinayotgan turli g`oyalarga qarshi sog`lom fikr va qarashlar bilan kurashishlari haqida fikrlarini bildirdilar. Shundan so`ng universitet “Buxoro navolari” badiy dastasi hamda pedagogika fakulteti talabalari tomonidan tayyorlangan badiiy-musiqiy kompozision dasturlar namoyish etildi.
