11.01.2022

Filologiya fakulteti  6-1Rus-19 guruhida o`zbek tili fanidan ochiq dars tashkil qilindi. Dars ishchi dasturga muvofiq belgilanga “Vatan va vatanparvarlik” mavzusida olib borildi. Dastavval, A.Qahhorning “Nurli cho`qqilar” hikoyasi tahlil qilinib, hikoyadagi qahramonlarning hayoti, ularga bo`lgan ota-ona ishonchi, Fotima va Zuhraning taqdiri talabalarga turli muammoli savollarni tug`ilishiga sabab bo`ldi. Inson nurli cho`qqiga erishishi uchun albatta, mehnatsevarlik va vatanparvarlik ruhida tarbiyalangan bo`lishi lozim degan xulosaga kelindi.  Dars davomida Muhammad Yusufning “O`zbekiston” she`rini shoir tilidan kuylatish talabalarning  vujudiga vatan hissini o`zgacha ruhda paydo qildi. Vatanparvarlik-kishilarning ona yurtiga, o`z oshiyoniga muhabbatini ifodalaydiga tushuncha, vatanparvarlik barcha kishilar, xalq, millat uchun umumiy bo`lgan, asrlar davomida sayqallanib kelgan umuminsoniy tuyg`u, ma`naviy qadriyatlardan biri ekanligi dars davomida turli metodlar orqali aytib o`tildi.