Filologiya fakulteti 6-4UZB-17 guruh talabasi Nigina Askarovaning talabalar turar joyida “Mehr rishtalari” hamda” “Murg`ak ko`ngillar” nomli asarlari taqdimoti bo`lib o`tdi.Talaba Nigina Askarova o`zining ijodiy faoliyati, kelajakdagi rejalari haqida tengdoshlari bilan o`rtoqlashdi. Taqdimotda filologiya fakulteti kafedra mudirlari: professor Shoira Ne`matovna, Guli Ibragimovna, rus tili kafedra mudiri ishtirok etib, havaskor yozuvchiga o`zlarining qiziqtirgan savollari bilan murojaat qildilar. Talabalar asar voqealari, qahramonlarning taqdiri, ularning jamiyatdagi o`rni, oiladagi muhit borasida asar mazmunidan kelib chiqib bahs-munozara olib bordilar. Ijodkordan asardagi obrazlarning hayotda aynan in`ikosi bor-yo`qligi haqida so`rab, asar qahramonlari aynan bir shaxs emas, balki jamiyatdagi insonlar xarakteri yig`indisi ekanligiga amin bo`ldilar. Talaba Nigina Askarovaning ijodiga omadlar tilab, taqdimot ko`tarinki ruhda yakunlandi.
