Buxoro davlat universitetining “Tarix va madaniy meros” fakultetida “Amir Temur yurt tayanchi – adolat timsoli” deb nomlangan katta tadbir bo‘lib o‘tdi. Tadbirda “Tarix” ta’lim yo‘nalishi talabalari va Termiz davlat universitetining “O‘zbekiston tarixi va manbashunosligi” kafedrasining bir guruh o‘qituvchilari ishtirok etdilar. Tadbir davomida fakultet dekanining ma’naviyat va ma’rifat ishlari bo‘yicha o‘rinbosari A.Boltayev, o‘qituvchi M.Orziyev va TerDUdan tashrif buyurgan A.To‘xtayev, A.Boqiyev, D.Yangiboyeva, M.Begamova kabi ustozlar talabalarga buyuk sohibqiron bobomizning davlat yuritish siyosati, tinch-totuv mamlakatni barpo etgani, xorijiy mamlakatlar bilan bo‘lgan aloqalari, yozishmalari borasida anchayin qiziqarli ma’lumotlar berishdi.Shuningdek, talabalar o‘zlarini qiziqtirgan savollarga javob oldilarMannon OtaboyBuxDU matbuot kotibi
