Ushbu ekspozisiyada 19-20 asrlarda oid sandali atrofida o‘tirgan o‘zbek xonadoni tasvirlangan.
Sandal o‘zbek pechi - o‘choq turi; o‘rta Osiyo, Afg‘oniston, Eron, Turkiya va boshqa Sharq mamlakatlarida uyni isitish uchun moslama. O‘zbek uyining issiqligini ta’minlovchi pech turi. Sandal pechi sovuq havoda isitish uchun mo‘ljallangan an’anaviy moslamasidir. Sandal loydan yasalgan chuqur polda joylashgan bo‘ladi, odatda yashash joyining markazida bo‘lgan.
Sandalga issiq ko‘mir quyilgan, ko‘pincha oddiy pechda ovqat pishirgandan keyin qolgan cho‘g‘ni sandalga solganlar.
Ustiga kichkina stol ya’ni xontaxta o‘rnatilgan bo‘lib, u issiqlikni ushlab turish uchun katta paxtali qo‘rpa va dasturxon bilan qoplangan.
Ovqatlanish paytida oila a’zolari stol atrofida o‘tirishgan, oyoqlarini paxtali qo‘rpa ostiga kiritgan.
19 asr oxiri va 20 asr boshlarida yuqori tabaqlari va o‘rta tabaqali o‘zbek ayollarning kiyimi.
XIX asrning yarmi – XX asr boshlarida buxorolik ayollarning liboslari ziynatli va ko‘p qavatli bo‘lgan. Buxoro ayollari liboslarining tashqi ko‘rinishi boshqa hududlarga qaraganda ko‘proq shariat me’yorlari bilan belgilangan. Unga ko‘ra, libos tana tuzilishini yaqqol namoyon etishi kerak emas edi. Ayollar-barang shoyidan keng liboslari, turfa rangli ro‘mollari, zargarlik buyumlari bilan yorqin taassurot qoldirgan. Aslzoda ayollar va amirning xotinlari libosi zardo‘zi kashta bilan bejirim bezatilar edi. Buxorolik ayollar yorqin rangli matolardan foydalanish, qimmatbaho buyumlar bilan zeb berishni, qoshini bo‘yash va ko‘ziga surma tortishni, yuzni oqartirish va qizartirishni xush ko‘rgan. A. Borns Buxoroda ayollar qoshini qora bo‘yoq bilan bo‘yashi, sochini o‘rib, kokillarini yelkaga tashlab yurishini qayd etgan.
