“Kelajakka Qadam” - Oliy ta’lim, fan va innovatsiyalar vazirligi hamda bir qator hamkor tashkilotlar tomonidan O‘zbekistonda oliy ta’lim muassasalari bitiruvchilari va talabalarning ishga joylashishi, tadbirkorlikka yo‘naltirilishi va amaliy ko‘nikmalarini rivojlantirishni qo‘llab-quvvatlash maqsadida amalga oshirilayotgan kompleks dasturdir.
Dastur nafaqat bitiruvchilarni, balki:
- bitiruvchi bosqich talabalari,
- quyi bosqich talabalarini ham qamrab oladi.
Bu orqali yoshlarning erta bosqichdanoq amaliy ko‘nikmalarni shakllantirishi, mehnat bozoriga mos malaka olishi va biznes g‘oya yaratishga yo‘naltirilishi ko‘zda tutilgan.
“Kelajakka Qadam” quyidagi asosiy yo‘nalishlarda faoliyat yuritadi:
- Ishga joylashishga ko‘maklashish - bitiruvchilarni korxonalar bilan bog‘lash, stajirovka va amaliyot imkoniyatlari yaratish.
- Tadbirkorlikni qo‘llab-quvvatlash - biznes g‘oyalarni shakllantirish, ekspertlar ko‘magida biznes-reja tuzish, kredit yoki grantlar olish uchun yordam berish.
- Amaliy ko‘nikmalarni rivojlantirish - treninglar, seminarlar, mahorat darslari, moliyaviy savodxonlik, startap madaniyati va boshqalar.
- Mehnat bozoriga moslashuvni oshirish - talab yuqori bo‘lgan yo‘nalishlarda ko‘nikmalar berish, mentorlik tizimini yo‘lga qo‘yish.
Dasturdan ko‘zlangan asosiy maqsad - yosh mutaxassislarning mehnat bozoriga muvaffaqiyatli kirib borishi, ularning tadbirkorlik salohiyatini rivojlantirish va zamonaviy iqtisodiyot talablariga mos kadrlar tayyorlashdir.
U orqali talabalar va bitiruvchilar:
- o‘z yo‘nalishida amaliy tajribaga ega bo‘ladi,
- zamonaviy ko‘nikmalarni egallaydi,
- o‘z biznes g‘oyalarini hayotga tatbiq etishi uchun sharoitga ega bo‘ladi,
- barqaror ish bilan ta’minlanish imkonini oshiradi.
