Kibermadaniyatni yuksaltirish oyligi” doirasida targ‘ibot tadbirlari davom etmoqda.
2025-yilning 22-noyabr kuni Buxoro davlat universiteti Raqamli ta’lim texnologiyalari departamenti mas’ullari tomonidan Jismoniy tarbiya va sport fakultetida faoliyat olib boruvchi ishchi-xodimlar hamda professor-o‘qituvchilar bilan davra suhbati tashkil etildi.
Suhbat davomida ishtirokchilarga kibermadaniyatning asosiy tamoyillari, shaxsiy ma’lumotlarni himoya qilish, parol siyosatiga amal qilish, zararli dasturlar va kiberxavflarning oldini olish bo‘yicha amaliy tavsiyalar berildi. Shuningdek, internetdan xavfsiz foydalanish, ijtimoiy tarmoqlarda xulq-atvor qoidalari, soxta axborotlarni aniqlash, elektron pochta orqali keladigan xatarlar va ularning oqibatlari haqida batafsil tushuntirishlar taqdim etildi.
Tadbir davomida o‘qituvchilar va xodimlar o‘zlarini qiziqtirgan savollar bilan murojaat qilishdi, amaliy misollar asosida muhokamalar olib borildi hamda kibermadaniyatni rivojlantirish bo‘yicha fakultet darajasida amalga oshirilishi mumkin bo‘lgan takliflar ko‘rib chiqildi.
Uchrashuv yakunida barchaga kibermadaniyat qoidalariga qat’iy amal qilish, axborot xavfsizligiga befarq bo‘lmaslik va raqamli makonda mas’uliyatli foydalanuvchi bo‘lish muhimligi yana bir bor ta’kidlandi.
