Buxoro davlat universitetida “Kibermadaniyatni yuksaltirish oyligi” doirasida talabalari o‘rtasida kibermadaniyat va kiberxavfsizlikka oid targ‘ibot-tashviqot tadbirlari izchil ravishda amalga oshirilmoqda. Ushbu tadbirlarning bosh maqsadi — talabalarning raqamli savodxonligini oshirish, ularni internetdagi firibgarliklar, zararli havolalar, soxta xabarlar va kibertahdidlardan ogohlantirishdir.
Ushbu targ'ibot tashviqot tadbirlari universitetning AXT bo'yicha mas'uli hamda Amaliy matematika va dasturlash texnologiylari kafedrasi o'qituvchisi Salimov Ro'zibek Nasim o'g'li ishtirokida amalga oshirilib kelinmoqda.
Tadbirlar davomida talabalarga kiberhujumlarning keng tarqalgan usullari, shaxsga doir ma’lumotlarni himoyalash, elektron pochta va ijtimoiy tarmoqlardan xavfsiz foydalanish bo‘yicha amaliy tavsiyalar berilib, interfaol suhbatlar tashkil etilmoqda. Shuningdek, real misollar asosida kiberjinoyatlardan himoyalanish bo‘yicha foydali ma’lumotlar yetkazilmoqda.
Universitetda talabalarning kibermadaniyatini yuksaltirishga qaratilgan ushbu sa’y-harakatlar muntazam davom ettiriladi.
