Buxoro davlat universitetida “Kibermadaniyatni yuksaltirish oyligi” doirasida xodimlar o‘rtasida kibermadaniyat va kiberxavfsizlikka oid targ‘ibot-tashviqot ishlari izchil davom ettirilmoqda. Tadbirlarning asosiy maqsadi — universitet jamoasining raqamli savodxonligini oshirish, axborot xavfsizligini ta’minlash va kibermakon bilan bog‘liq potensial xatarlarni oldindan bartaraf etishdir.
Mazkur jarayon doirasida xodimlar uchun ogohlantiruvchi ma’lumotlar yetkazilmoqda, firibgarliklarning zamonaviy ko‘rinishlari, zararli havolalardan himoyalanish, elektron pochta orqali keladigan soxta xabarlarni aniqlash bo‘yicha amaliy tavsiyalar berilmoqda. Shuningdek, raqamli makondan ongli va xavfsiz foydalanish madaniyatini shakllantirishga qaratilgan uchrashuvlar va suhbatlar tashkil etilmoqda.
Universitetda kibermadaniyatni rivojlantirish bo‘yicha olib borilayotgan ishlar kelgusida ham izchil davom ettiriladi.
Tadbirlar Buxoro davlat universitetining AXT bo'yicha mas'ul xodimi hamda Amaliy matematika va dasturlash texnologiyalari kafedrasi o'qituvchisi Salimov Ro'zibek Nasim o'g'li tomonidan manzilli ko'rinishda tashkil etib kelinmoqda
