Fizika-matematika va axborot texnologiyalari fakulteti talabalari hamda pedagoglari ishtirokida, Buxoro viloyat IIB profilaktika inspektorlari hamkorligida o‘tkazilgan tadbirda oliy ta’limda akademik halollikni ta’minlash masalalari muhokama qilindi.
Bugungi globallashuv va axborot texnologiyalari jadal rivojlanayotgan davrda ta’lim tizimi oldida turgan eng muhim vazifalardan biri — bu akademik halollikni ta’minlashdir. Akademik halollik — bu ta’lim jarayonida adolat, shaffoflik, mas’uliyat va vijdonlilik tamoyillariga amal qilish demakdir. U nafaqat talabaning shaxsiy fazilati, balki universitet madaniyatining ajralmas qismi hisoblanadi.
Akademik halollikka rioya qilish — ilm-fanning ishonchliligi, diplom va ilmiy darajalarning qiymati, jamiyatda intellektual salohiyatning yuksalishi uchun asosiy omildir.
