Suhbat davomida Korrupsiyaga qarshi kurashish “Komplaens-nazorat” tizimini boshqarish bo‘limining universitetdagi maqsad va vazifalari talabalarga tushuntirildi. Shu bilan birga, korrupsiyaning oliy ta'limdagi ikki ko'rinishi maishiy korrupsiya hamda akademik korrupsiya haqida tushunchalar berib o'tildi. Talabalarni qiziqtirgan savollariga javob berildi.
Prezidentimiz ta’kidlaganlaridek: “Korrupsiyaga qarshi kurashishda aholining barcha qatlamlari, jamiyatimizning barcha a’zolari, ta’bir joiz bo'lsa, “halollik vaksinasi” bilan emlanmas ekan, o‘z oldimizga qo‘ygan yuksak marralarga erisha olmaymiz. Biz korrupsiyaning oqibatlari bilan kurashishdan uning barvaqt oldini olishga o‘tishimiz kerak”
Korrupsiyaga qarshi kurashish bo‘yicha amalga oshirilgan dastlabki chora-tadbirlar, xususan, jamiyatda korrupsiyaga nisbatan murosasizlik kayfiyatini shakllantirish, aholining korrupsiyaga qarshi kurashish bo‘yicha huquqiy madaniyatini oshirish, davlat idoralari va tashkilotlarining ochiqligi va shaffofligini ta’minlashga qaratilgan choralar, davlat xizmatiga “halollik vaksinasi”ni joriy qilish, korrupsiya xavf-xatari yuqori bo‘lgan sohalarda “Korrupsiyasiz soha” loyihasini amalga oshirish, eng asosiysi oliy ta’lim tizimida korrupsiyaga qarshi keskin targ‘ibot va tashviqot tadbirlarini olib borish asosiy masalalardan biri hisoblanadi.
