Davra-suhbatida universitet Korrupsiyaga qarshi kurashish "Komplaens-nazorat" tizimini boshqarish bo‘limi boshlig‘i Y.Quliyev tomonidan talabalarga jamiyatda korrupsiyaning salbiy oqibatlari, oliy ta’limda korrupsiyaning ko‘rinishlari, akademik korrupsiya va maishiy korrupsiya, manfaatlar to‘qnashuvi, mahalliychilik, nepotizm, urug‘-aymoqchilik tushunchalari bilan tushuntirdi.
Tadbirni o‘tkazishdan asosiy maqsad - o‘sib kelayotgan yoshlarda korrupsiyaga qarshi murosasiz kurashish madaniyatini rivojlantirish, ularning jamiyat hayotiga daxldorligini yanada oshirishdan iborat edi.
Tadbirda bugungi kunda har bir fuqaroning huquqiy madaniyatini shakllantirish, ularning faolligi, jamiyatdagi o‘rnini oshirish, har qanday ishga mas’uliyat bilan yondashgan holda salbiy illatlarga qat’iy kurashish lozimligi ta’kidlandi. Korrupsiyaga qarshi kurashishda, avvalo, yoshlarning ongini ma’naviy jihatdan yuksaltirish lozimligiga ahamiyat qaratildi.
