#BuxDU_95yoshda
Ilm chirog‘i porlagan, nurli maskan,
Tarix sadosida yangrar har da’vat.
Elning qalbida muqaddasdir bu dargoh,
Ilmga eltadi – boqiy saodat.
To‘qson besh yil – mehnat, shon-shuhrat yili,
Ustozlar qo‘lida yongan dil chirog‘i.
Har bir satrida, har bir izida,
Vatan sevgisi – mangu yorug‘i.
Buxoro – tarixning ko‘hna yuragi,
Donishmandlar izi qolgan zamin,
Bu universitet – ertakdek bog‘,
Kelajak sari ochilgan yo‘lim.
Talaba orzusi qanot bo‘lib uchsa,
Ustozning so‘zi dilga davo bo‘lar.
Ilmli avlodlar, fidoyi yoshlar,
Shu maskanda jam bo‘lib, yuksalib borar.
Bugun tantanadir, shonli ayyomdir,
95 yil – sharaf, g‘urur, iftixor.
Buxoro dargohi, ilm-u ma’rifat,
Yana ming yillar porlasin, bedor!
Filologiya fakulteti 6-2 UZB 24 guruh talabasi Ruxshonabonu Toxirova
