Buxoro davlat universiteti Qorako‘l akademik litseyida shaxmat va shashka to‘garagi mashg‘uloti bo‘lib o‘tdi
2025-yil 28-iyul kuni Buxoro davlat universiteti Qorako‘l akademik litseyida navbatdagi shaxmat va shashka to‘garagi mashg‘uloti tashkil etildi. Unda o‘quvchilar faol ishtirok etib, o‘zlarining intellektual salohiyatini namoyon qilishdi.
Mashg‘ulot davomida to‘garak a'zolari o‘zaro bellashib, strategik fikrlash, diqqat va sabr-toqat kabi ko‘nikmalarni mustahkamlashdi. Ustozlar tomonidan turli taktik usullar va o‘yin kombinatsiyalari bo‘yicha amaliy mashg‘ulotlar ham olib borildi.
Mazkur mashg‘ulotlar o‘quvchilarning bo‘sh vaqtini mazmunli tashkil etish, ularning aqliy salohiyatini rivojlantirish hamda shaxmat va shashka sport turlariga bo‘lgan qiziqishini oshirishga xizmat qilmoqda.
