Bugun yurtimizning barcha go’shasida bo’lgani kabi Buxoro davlat universitetida ham Navro’z shukuhi kezib yuribdi. Butun jamoa erta bahordanoq ko’kalamzorlashtirish va obodonlashtirish ishlarini boshlab yuborgan. Davlatimiz rahbarining “2018 yil Navro’z umumxalq bayramiga tayyorgarlik ko’rish va uni o’tkazish to’g’risida”gi qarori asosida saranjom-sarishtalik, yordamga muhtoj oilalar, keksalar, nogironligi bo’lgan shaxslar, nogironlik uyi tarbiyalanuvchilari holidan xabar olish, ularga beg’araz yordam berish singari savobli ishlar yanada keng ko’lam kasb etmoqda.Shu jumladan, joriy yilning 17 mart kuni Buxoro davlat universiteti ma’naviyat va ma’rifat bo’limi, fizika-matematika fakulteti professor-o’qituvchilari N.Mamatova hamda harbiy, turizm fakulteti talabalari bilan birgalikda Xalq ta’lim vazirligiga qarashli Buxoro shahar 27-imkoniyati cheklangan bolalar uchun ixtisoslashtirilgan davlat ta’lim muassasasida bo’lib, o’quvchilarni Navro’z bayrami munosabati bilan tabriklab, bahor taomi bo’lmish sumalak hamda sovg’alar ulashishdi.
