Joriy yilning 17-23 may kunlari “Talabalar ligasi” sport musobaqalarining voleybol bo‘yicha Respublika final bosqichi Buxoro davlat universitetida o‘tkazildi. Musobaqada Respublikamizning 14 ta hududidan jami 368 nafar ishtirokchilar qatnashishdi.
Taqdirlash marosimida Oliy ta’lim, fan va innovatsiyalar vazirligi boshqarma boshlig‘i o‘rinbosari Alisher Islomov, Buxoro viloyati hokimining oʻrinbosari Hafiza Artikova, viloyatdagi oliy ta’lim muassasalari rektorlari hamda yoshlar ishtirok etdi.
Sportning voleybol turi bo'yicha yigit va qizlar o'rtasida qizg'in va murosasiz kechgan bahslarda Respublika g'oliblari aniqlandi.
Yakuniy natijalar: Qizlar o'rtasida
1-o'rin: Namangan viloyatining NamDU jamoasi
2-o'rin: Buxoro viloyatining BuxDU jamoasi
3-o'rin: Xorazm viloyatining UrDU jamoasi
Yakuniy natijalar: Yigitlar o'rtasida
1-o'rin: Buxoro viloyatining BuxDU jamoasi
2-o'rin: Qashqadaryo viloyatining XIU jamoasi
3-o'rin: Samarqand viloyati UZFIN
“Talabalar ligasi” sport musobaqalarining voleybol bo‘yicha Respublika final bosqichi Buxoro davlat universitetida o‘tkazildi. Quvonarlisi shundaki, mazkur bahslarda universitetimiz voleybolchi talabalari, takrorlanmas o'yin ko'rsatishdi. Natijada, Qiz bolalar kumush medalga, o'g'il bolalar esa oltin medalga loyiq deb topildi.
Buxoro davlat universiteti sportchi talabalari qator yutuqlarga erishib kelishmoqda, ayniqsa, voleybolchi talabalarning yutuqlari alohida o'rin oladi. Jumladan, 2024-yil may oyida o'tkazilgan "Talabalar ligasi" sport musobaqalarining FINAL bosqichida qiz bolalar 2-o'rinni, o'g'il bolalar esa 1-o'rinni egallashgan edi. Shu bilan birga, 2024-yilning dekabr oyida o'tkazilgan “Besh tashabbus olimpiadasi” doirasida oliy ta’lim muassasalari talabalari o‘rtasida VOLEYBOL sport musobaqalarining respublika final bosqichida o'g'il bolalar kumush medalga qiz bolalar esa oltin medalga sazovor bo'lishdi.
“Talabalar ligasi” doirasida tashkil etilgan voleybol musobaqalari yoshlar orasida sog‘lom turmush tarzini shakllantirish, vatanparvarlik tuyg‘usini mustahkamlash hamda jamoaviylik ruhini kuchaytirishda muhim ahamiyatga egadir.
Voleybol sport turi nafaqat talabalar orasida jismoniy faollikni oshiradi, balki ularni bir jamoa sifatida harakat qilishga, do‘stona muhitda muloqot qilishga undaydi. Shuningdek, voleybol kabi sport yo‘nalishlariga davlat tomonidan ko‘rsatilayotgan e’tibor yildan-yilga ortib bormoqda, bu esa talabalarning sportga bo‘lgan qiziqishini yanada kuchaytirishga xizmat qilmoqda.
