2017 yil 22 may kuni Buxoro davlat universiteti faollar zalida Jismoniy madaniyat fakultetida professor-o'qituvchi va talabalari ishtirokida O'zbekiston Respublikasi Prezidentining 2017 yil 20 apreldagi “Oliy ta'lim tizimini yanada rivojlantirish chora-tadbirlari to'g'risida”gi 2909-sonli Qarori ijrosini ta'minlash maqsadida davra suhbati tashkil qilindi. Tadbirda Universitet ma'naviy-ma'rifiy ishlar bo'yicha prorektori A.M.Kadirov, “Milliy g'oya, ma'naviyat asoslari va huquq ta'limi” kafedrasi o'qituvchilari D. Qodirov, R.G'.Jumayevlar o'z ma'ruzalari bilan ishtirok etdilar.Tadbirda Buxoro davlat universitetida 2017-2021 yillarda rejalashtirilgan o'quv ishlaridagi o'zgartirishlar - yangi yo'nalishlar, bakalavr va magistr yo'nalishlarining ochilishi va ularga qo'yilgan talablarning o'zgachaligi, chet tilini o'rganishni rivojlantirish, o'qituvchi va talabalarning malaka oshirishi uchun chet ellarga borib malaka almashib o'rganib kelishi, chet el oliygohlari bilan hamkorlikni yo'lga qo'yish va rivojlantirish, yosh pedagog kadrlarning ilmiy salohiyatini va malakasini oshirish, sinf-ustasi ya'ni “master-klassov”ga aylantirish, o'quv, o'quv-uslubiy va ilmiy adabiyotlarining yangilanishi va chet el adabiyotlaridan foydalanish, o'quv mavsumini yaxshilash uchun o'tkaziladigan yangi qurilish ishlarini amalga oshirish masalalaridagi o'zgarishlar, o'quv moddiy bazani yangilash va foydalanish uchun topshirish, oliy ta'limdagi ma'naviy-axloqiy, tarbiyaviy va ma'rifiy targ'ibot ishlarni talaba-yoshlar orasida keng targ'ib etib borish, har qanday yot g'oyalarga nafrat uyg'otish, milliy o'zlikni anglash va mustaqillik g'oyalariga sodiq qolishlari uchun mustahkam irodani tarbiyalash zarurligi hamda oliy ta'lim tizimidagi o'zgarishlar to'g'risida atroflicha gapirib o'tildi. Talabalarga Qaror mazmun-mohiyati munosib yetkazildi va ularni qiziqtirgan savollarga ma'ruzachilar javob berishdi.
