Bugun, 24-fevral kuni, Rossiyaning Orenburg Voleybol Federatsiyasi Prezidenti I. Shepel va federatsiya vitse prezidenti V. Buxvalovdan iborat delegatsiya BuxDU kichik majlislar zalida Universitet rektori O.X.Xamidov boshchiligidagi rahbariyat a'zolari hamda talaba-yoshlar bilan uchrashuvi bo'lib o'tdi. Uchrashuv davomida ikki tomonlama hamkorlik memorandumi imzolandi. Memorandum doirasida talabalar o'rtasida voleybol sport turini targ'ib qilish hamda rivojlantirish maqsadida murabbiylar va talabalar almashinuvi, musobaqalar tashkil etish, loyiha va dasturlar tuzish va amalga oshirish belgilandi.
