Germaniyada xizmat safarida boʻlib turgan universitetimiz rektori O.Xamidov 11-noyabr kuni Gyottingen universiteti rahbariyati bilan muzokaralar oʻtkazdi. Uchrashuvda oʻzaro hamkorlikning ustuvor yoʻnalishlari muhokama qilindi hamda bir qator masalalarda aniq kelishuvlarga erishildi.
Shu jumladan:
- Ayni paytda hamkorlikda amalga osgirib kelinayotgan DAAD loyihasining davom etishi uchun yangi loyiha tayyorlanadi;
- Erasmus+ dasturining "Oliy taʼlimda salohiyatni oshirish" yoʻnalishida Yevropa Ittifoqi va Oʻzbekiston universitetlari ishtirokida "Akademik yozuv laboratoriyalarini tashkil qilish" mavzusida loyiha tayyorlab tanlovga topshiriladi;
- Gyottingen universitetining jahon akademik reytinglarida Top-300 qatorida turishini inobatga olgan holda, "El-yurt umidi" jamgʻarmasi tanlovlariga hujjat topshirishda BuxDU talaba, tadqiqotchi va oʻqituvchilari uchun Gyottingen universiteti tomonidan taklif xatlari tayyorlashda hamkorlik qilinadi;
- Yozgi va qishki maktablar faoliyati davom ettiriladi;
- Talaba, tadqiqotchi va professor-oʻqituvchi almashinuvi qoʻllab-quvvatlanadi.
Xizmat safari davom etmoqda.
