Bugun, Buxoro davlat universitetida O’zbekiston-Finlandiya Pedagogika instituti, Turkiyaning Necmettin Erbakan universiteti hamda Imom Buxoriy xalqaro ilmiy-tadqiqot markazi bilan hamkorligida “Turkistondan Anadolugacha turk islom tafakkuri” xalqaro seminari o’tkazildi. Seminarda Turkiya, Buyuk Britaniya, Niderlandiya, Germaniyaning nufuzli universitetlari professorlari, Buxoro davlat universiteti hamda O’zbekiston-Finlandiya Pedagogika institute rahbariyati, talabalar ishtirok etishdi. Seminar 3 sessiyada davom etgan bo`lib, seminarni Buxoro davlat universiteti rektori Obidjon Xamidov, Necmettin Erbakan universiteti professori Birol Mercan hamda professor Bilal Kuşpinarlar ochib berishdi.
Seminarning 1-sessiyasida Niderlandiyaning Leiden universiteti falsafa fanlari bo’yicha falsafa doktori PhD Arnold Yasin Mol “Farabi and al-Maturidi and the Functionalist Approach to Religion in Early Medieval Thought” mavzusida, Buyuk Britaniyaning Kembridj Musulmon kolleji professori Ramon Harvey “Al-Maturidi’s Theological Phenomenology of Human Experience” mavzusida, Turkiyaning Selçuk universiteti professori Ramazan Altıntaş “Al-Maturidi’s Understanding of Reason and Revelation” mavzusida taqdimot qildilar. Seminar davomida universitetimizning bir qator professor-o’qituvchilari ham taqdimot qildilar.
Universitet professor-oʻqituvchilari, soha mutaxassislari hamda ilmiy izlanuvchilar ishtirok etgan seminarda Forobiy va al-Moturidiy va ilk oʻrta asr tafakkurida dinga funksionalistik yondashuv, Al-Moturidiyning inson tajribasining teologik fenomenologiyasi, Al-Moturidiyning aql va vahiy tushunchasi, Al-Moturidiy va uning Bolqondagi ta'siri: tanqidiy sharh, Shayx Muhammad Solih Muhammad Yusufning insonlarning ma’naviy taraqqiyoti, Ibn Sino inson tabiati toʻgʻrisidagi maʼruzalar tinglandi. Bu yoʻnalishdagi bilim va tajribalarni boyitish, ularni kelgusi avlodga yetkazish masalalari muhokama qilindi.
“Buxoro kabi qadim tarixga ega bo`lgan va bu yerda eng ko`p Islom ulamolari yetishib chiqqan bir shaharda bunday tadbirni o’tkazish nafaqat Buxoro shahri uchun balki bu sohada ish olib borayotgan Yevropa mamlakatlari olimlari uchun juda katta ahamiyatga ega”, deydi Turkiyaning Selcuk universiteti ilmiy tadqiqotchisi Iqboljon Usmonov.
