BuxDU bitiruvchisi hamda “El-yurt umidi” jamg`armasi sovrindori Hafiz Jalilov Buyuk Britaniyaning bir nechta nufuzli oliygohlari bilan kelishuvga erishdi
Hafiz Jalilov “El-yurt umidi” jamg`armasi orqali Buyuk Britaniyaning nufuzli universitetlaridan biri Sarrey universitetining magistratura bosqichini yaqinda a’lo baho bilan bitirdi. O’qishi davomida u Buyuk britaniyaning nufuzli universitetlari hisoblangan Sarrey universiteti, Sasex universiteti, Liverpul universiteti va Lester universitetlari bilan O’zbekistonda Psixologiya sohasini rivojlantish borasida kelishuvlarga erishdi. Bunga misol tariqasida Hafiz Jalilov Sarrey universiteti bilan hamkorlikda O’zbekistonda "Psixologiya faoliyat turlari" bakalavr yo’nalishi va "Ijtimoiy psixologiya", "Tibbiyot psixologiyasi", "Atrof-muhit psixologiyasi" va Psixologiyaning hozirgi davrda eng muhim yo’nalishlaridan biri bo’lgan "Kasbiy va tashkiliy psixologiya" magistratura yo’nalishlarini ochish borasida kelishuvga erishdi. Bundan tashqari, O’zbekistondagi Psixologiya yo’nalishi o’qituvchi va professorlari Sarrey universitetida stajirovka o’tashi, Sarrey universitetining professor va o’qituvchilari O’zbekistondagi Psixologiya yo’nalishi talabalariga dars berishi, shuningdek, O’zbekistondagi talabalar Sarrey universitetida ma`lum o’quv yilini (bakalavr yo’nalishi talabalari 1 yil, magistratura yo’nalishi talabalari 1 semestr) o’qishi borasida ham kelishuvga erishdi. Shuningdek, u Sarrey universitetining “Bolalar psixologiyasi”, “Kognitiv Psixologiya” va “Biznez va iqtisodiyot experimentlari laboratoriyasi” kabi laboratoriyalari bilan O’zbekistonda “Bolalar psixologiyasi” , “Kognitiv Psixologiya “ va “ Xulq-atvorni organish” laboratoriyalarini hamkorlikda ochish borasida kelishuvga erishdi. Bundan tashqari, Hafiz Jalilov Buyuk Britaniyaning Psixologiya jamiyati (BPS) bilan hamkorlikda O’zbekistonda Psixologiya jamiyatini ochish borasida ham kelishuvga erishdi. Hafiz Jalilovga O’zbekistonda Psixologiya sohasini jahon standartlari darajasiga olib chiqishiga omad tilab qolamiz.
