Buxoro davlat universitetida Buxoro va Navoiy viloyatlaridagi Davlat oliy ta’lim muassasasalarining tyutorlari uchun o‘quv seminari bo`lib o`tdi. O‘quv seminarda Navoiy viloyatidagi OTMlaridan 50 nafar, Buxoro viloyatidagi OTMlaridan 181 nafar (BuxDUdan 90 nafar, BuxMTIdan 34 nafar, BuxDPIdan 19 nafar, BuxDTIdan 26 nafar, Buxoro tabiiy resusrslarni boshqarish institutidan 12 nafar) jami 231 nafar tyutorlari (ta’lim-tarbiya maslahatchilari) ishtirok etdi.
O‘quv-seminarni tashkil etishdan maqsad Oliy ta'lim muassasalarida faoliyat olib borayotgan tyutorlar faoliyatini yanada jadallashtirish, ularning bugungi kunda dunyoda kechayotgan geosiyosiy va mafkuraviy jarayonlar hamda mamlakatimizda amalga oshirilayotgan islohotlardan xabardorlik darajasini oshirishdan iborat.
O`quv-seminar uchun OTMlarda faoliyat olib borayotgan Vazirlik va tizimning mas’ul rahbar-xodimlari, sohalar bo‘yicha mutasaddilar hamda tajribali professor-o‘qituvchilar tarkibidan iborat trenerlar jalb qilindi.
O‘quv-seminarda tyutorlik faoliyatining joriy etilishi, Oliy ta’lim muassasasida tyutorlik faoliyatini tashkil etish tartiblari: tyutorlikning maqsadi, vazifalari, majburiyatlari, Oliy ta’lim muassasasi ob’yektivida talaba va o‘qituvchi munosabati (keyslar asosida)da ijobiy yechim topish vositalari, notiqlik san’ati tarixi, buyuk notiqlar va ularning nutq mahoratlari tahlillari, muomala madaniyati va ta’sirchan nutq asoslari, tyutorlar huquqiy ong va madaniyatini yuksaltirish, (Konstitutsiyaviy islohotlar mazmun-mohiyati haqida tushuncha berish), sog‘lom ma’naviy muhitni va jamoat xavfsizligini ta’minlash hamda huquqbuzarliklarni oldini olish bo‘yicha tyutorlar bilan hamkorlikdagi profilaktik chora-tadbirlar samaradorligi kabi qator vazifalarni qamrab oldi.
Shuningdek, tyutorlarning hududda tanlangan OTMda tyutorlar faoliyatini tashkil etishdagi amaliy tajriba almashinuv, ichki va ziyorat turizmini amalga oshirish ham ko`zda tutildi. Buxoro va Navoiy viloyatlaridagi davlat Oliy ta’lim muassasalarining tyutorlari uchun o‘quv seminari mobaynida iqtidorli talabalar tomonidan ijro etilgan musiqiy chiqishlar ishtirokchilarga yuqori kayfiyat baxsh etdi.
