BuxDU ma’muriyati tomonidan Rossiya Federasiyasining Qozon (Privolje) federal universiteti bilan hamkorlik doirasida universitet rahbar xodimlarining QFUda “Zamonaviy universitet” dasturi bo‘yicha malaka oshirish kurslari tashkil qilish belgilangan edi. Malaka oshirish kurslari 2 qismdan iborat bo‘lib, 1-qism 2021-yilning 7-21 dekabr kunlari QFUda an’anaviy tarzda, 2-qismi 2021-yilning 22-dekabridan 2022-yil 29-yanvar kunigacha onlayn tarzda davom etadi. Mazkur malaka oshirish kurslarida BuxDUning fakultet, kafedra, bo‘lim rahbarlaridan iborat 20 nafar pedagoglari va rahbar xodimlari ishtirok etishmoqda.BuxDUning 20 kishidan iborat jamoasi 07-11 dekabr kunlari ushbu malaka oshirish kursining 1-haftasini QFUda o‘tkazishdi. Ushbu kunlarda “Zamonaviy universitet” dasturi doirasida 1- va 2 blok mavzulari doirasida darslar bo‘lib o‘tdi. BuxDU vakillariga QFUning yetakchi professor-o‘qituvchilari va ma’muriyat rahbarlari o‘z yo‘nalishlari bo‘yicha ma’ruzalar qilishdi.Mashg‘ulotlar davomida tinglovchilarga jahonda ta’limning rivojlanishida zamonaviy tendensiyalar, Oliy ta’lim tizimining rivojlanishiga ta’sir qilayotgan omillar, mavjud muammolar, Rossiya va rivojlangan davlatlar ta’lim tizimining rivojlanishidagi asosiy yo‘nalishlar, raqamli universitet masalalari, zamonaviy universitet modellari, ularni boshqarish, strategik rivojlantirish, moliyalashtirish, kadrlar siyosati, universitetning ta’lim siyosati, zamonaviy universitetlarning ilmiy va tadqiqot sohasidagi faoliyati yo‘nalishlari, OTMlarning xalqaro reytinglarda namoyon bo‘lish imkoniyatlari, texnologiyalarning iqtisodiyotning real sektoriga transformatsiyasi, ilmiy tadqiqotlarni moliyalashtirish, samarali shartnomalar tuzish, zamonaviy tadiqot universitetlarini shakllantirish, xalqaro indekslangan maqolalar tizimlarida maqolalar tayyorlash va joylashtirish yo‘nalishlari to‘g‘risida ma’lumotlar berildi.O‘quv mashg‘ulotlari bilan birgalikda, kunning ikkinchi yarmida tinglovchilar QFUning kampuslari, moddiy texnik bazasi, strukturaviy tuzilishi, institut tarkibiy tuzilmalarining funksional vazifalari, muzey va laboratoriyalari bilan yaqindan tanishishmoqda. Universitetning professor-o‘qituvchilar va talabalar hayotini o‘z ko‘zlari bilan ko‘rishmoqda. Jumladan, delegatsiya vakillari QFU muzeyida 8-dekabrda bo‘lib o‘tgan “Pullar” (Dengi) deb nomlangan ko‘rgazmaga universitet ma’muriyati tomonidan taklif qilindilar va jamoa ko‘rgazmaning ochilish marosimida ishtirok etishdi.BuxDU vakillari mashg‘ulotlardan bo‘sh vaqtlarida ushbu dastur doirasida QFU ma’muriyati tomonidan tashkillashtirilgan tartibda Qozon shahrining diqqatga sazovor joylari, infrastruktura obyektlari bilan tanishtirilmoqda. Jumladan, delegatsiya vakillari QFUning tarkibiy institutlari joylashgan kapuslar, “Kazan arena” sport kompleksi, QFU planetariy-observatoriyasi, Qozon kremli, Qul Sharif masjidi, Bauman ko‘chasi, Suyumbike minorasi va shaharning boshqa tarixiy yodgorliklari bilan tanishtirildi.Shu bilan birga BuxDU delegatsiyasi vakillari o‘z yo‘nalishlari bo‘yicha QFUning tarkibiy tuzilmalarida bo‘lishib, mazkur tarkibiy bo‘linmalar ma’muriyati bilan hamkorlik o‘rnatish, mavjud hamkorlikni turli yo‘nalishlarda rivojlantirish bo‘yicha kelishuvlarga erishilmoqda.BuxDU vakillari tomonidan kelgusi haftada QFUning tegishli institutlari va fakultetlarida o‘z yo‘nalishlari doirasida bakalavr va magistratura bosqichlarida kunduzgi ta’lim shaklida ma’ruza mashg‘ulotlarini o‘tib berishga kelishildi.BuxDU Matbuot xizmati
