Buxoro davlat universiteti Xorijiy tillar fakulteti dotsenti Mehrinigor Ahmedova 25-noyabr-1-dekabr kunlarida Hindistonga Gen Next Democracy loyihasi orqali tashrif buyurdi. Hindistonning madaniy aloqalar konsulligi tomonidan tashkil qilingan Gen Next Democracy program (Kelajak avlod demokratik tayyorgarligi loyihasi) dunyoning to‘rt qit’asi 8 davlatlari (Shvetsiya, Polsha, Tanzaniya, Yamayka, Shri Lanka, Butan, O‘zbekiston, Malayziya) dan yoshlarning siyosiy bilimlarini oshirishga qaratilgan bo‘lib, bu programma doirasida Hindiston madaniyati, demokratik jamiyat qurilishi, parlament tarkibi bilan tanishtiradi. Delegatsiya a’zolari Hindiston parlamenti yosh vakillari bilan uchrashishdi, Huquq tizimiga bag‘ishlangan yoshlar konferensiyasida ishtirok etishdi, turli qiziqarli darslar orqali Hindiston madaniyati, siyosati, demokratik jamiyat qurishdagi muvaffaqiyatli harakati haqida ma’lumotlar bilan tanishishdi. Loyiha doirasida M.B.Ahmedova Javaharlal Neru instituti rektori bilan uchrashuv o‘tkazib, Buxoro davlat universiteti bilan hamkorlik masalalari haqida suhbatlashdi, THE rankings-2021da Top-1000 universitetlar qatorida 801-1000 o‘rinni egallagan Dehli universitetida “Ingliz va o‘zbek tillarida “ma’naviyat” kategoriyasi: tushuncha va yondashuvlar” (“Spirituality” concept in English and Uzbek languages: understanding and approaches) mavzusida ma’ruza o‘tkazdi. Dehli universiteti professorlari bilan Buxoro davlat universiteti talabalariga grantlar taqdim qilish masalasida amaliy ishlar olib borish rejalashtirildi. Loyiha doirasida Hindistonning Dehli, Agra, Gujarat, Ahmadobod, Varodada shtat va shaharlarining iqtisodiy quvvati, ilm-fan rivoji, ta’lim va madaniyati bilan tanishish maqsadida safarlar uyushtirildi. Loyihaning amaliy natijasi sifatida “The role of teachers in creating democrating society” (“Demokratik jamiyat qurilishida o‘qituvchilarning roli”) mavzusida seminar-trening tashkillashtirish rejalashtirilgan.BuxDU Matbuot xizmati