Ilgari xabar berganimizdek, Buxoro davlat universiteti qoshida jamoatchilik asosida faoliyat ko‘rsatuvchi “Islohotlar — xalq uchun” targ‘ibot markazi ish boshlagan edi. Bugun ushbu targʻibot loyihasini amalga oshirish markazining bir oylik tahlili bo`lib o`tdi. Unda Oliy Majlis Senati a’zosi Abira Huseynova, viloyat hokimining Xotin-qizlar masalalari bo‘yicha maslahatchisi, viloyat Mahalla va oilani qo‘llab-quvvatlash boshqarmasi boshlig‘ining birinchi o‘rinbosari Feruza Ibragimova, Respublika ma’naviyat va ma’rifat markazi, Buxoro viloyati bo`limi rahbari Marhabo Pardayeva, O‘zbekiston Xalq demokratik partiyasi Buxoro viloyat kengashi raisi Zulfiya To`yeva, BuxDu rahbariyati, taniqli professor-o`qituvchilar, fakultet dekanlari hamda talabalar ishtirok etishdi. “Islohotlar — xalq uchun” targʻibot loyihasini amalga oshirish markazi faoliyati yo`lga qo`yilgan kundan boshlab hozirgi kunga qadar qilingan ishlar hisobot tarzida yig`ilganlar e’tiboriga havola etildi. Tashrif buyuruvchilarning har birlari o`z chiqishlari bilan fikr-mulohazalarini bildirdilar. Shundan so`ng, Prezident Shavkat Mirziyoyevning «Yangi O‘zbekiston Strategiyasi» nomli kitobi mohiyati xususida fikr yuritildi. Yangi O‘zbekistonni va Uchinchi Renessans poydevorini barpo etish borasida amalga oshirilayotgan tub o‘zgarishlar va islohotlarning maqsadi, mazmun-mohiyati hamda ustuvor yo‘nalishlari, milliy taraqqiyot istiqbollari haqida fikr yuritildi.BuxDU Matbuot xizmati