Bugun 7–sentabr sanasida Buxoro davlat universitetida mavjud bo‘sh ish o‘rinlariga pedagog-xodimlarni ishga qabul qilish uchun ariza bilan murojaat qilgan kadrlarni saralash tanlovlari yakuni uchun rektor suhbati boshlandi. O'tgan bosqichda ariza bilan murojaat qilgan pedagoglar AKT va chet tilidan imtihonni topshirishdi. Bugungi suhbatda AKT hamda chet tili imtihonidan yaxshi natija bilan o'tgan 50 nafardan ortiq da'vogar ishtirok etmoqda. Ayni paytda suhbat jarayonida pedagog kadrning ilmiy salohiyati, bugungi islohotlardan xabardorlik darajasi, pedagog sifatidagi qobiliyatiga baho berilmoqda. Bo'lajak kadrlar bilan rektor O.X. Xamidov boshchiligida BuxDU rahbariyati, bo'lim boshliqlari, kafedra mudirlari, fakultet dekanlari tomonidan savollar berilmoqda. Yaxshi natija ko'rsatgan pedagoglar keyingi bosqichda ochiq dars o'tib berishlari kerak bo'ladi.BuxDU Matbuot xizmati
