BuxDU yoshlar ittifoqi boshlang`ich tashkiloti tashabbusi bilan universitet TTJ binosi foyesida, 1-fevral kuni TTJ da yashovchi nogironligi bo`lgan va imkoniyati cheklangan talabalarni qo`llab-quvvatlash, shu bilan birgalikda ularni kayfiyatini ko`tarish, ko`ngliga ko`tarinki ruh bag`ishlash maqsadida “Hech kim mehr va e’tibordan chetda qolmaydi” mavzusida musiqali tadbir tashkil etildi.Tadbir boshida BuxDU yoshlar ittifoqi boshlang`ich tashkiloti yetakchisi Feruz Karimov TTJ da yashovchi nogironligi bo`lgan va imkoniyati cheklangan talabalar bilan suxbatlashib, universitetda ular uchun yaratib berilgan shart-sharoitlar haqida gapirib o`tdi. Tadbir davomida nogironligi bor talabalar tomonidan jonli ravishda ijro etilgan qo`shiqlar aytildi, raqslar namoyish etildi. Shundan so’ng, universitetning talantli yoshlari tomonidan jonli tarzda yakkaxon gitara orqali ijro etilgan qo`shiqlar tadbir ishtirokchilarini xushnud etdi.Tadbirda BuxDU yoshlar ittifoqi boshlang`ich tashkiloti tomonidan nogironligi bo`lgan va imkoniyati cheklangan talabalar ma’naviy qo`llab-quvvatlandi, ularga ko`tarinki kayfiyat ulashildi.BuxDU Matbuot xizmati