Buxoro davlat universiteti Tarix fakulteti 4-bosqich talabasi Nuriddinova Aziza Ilhomovna Nursulton shahrida o’tkazilgan “MDH ning eng yaxshi talabasi-2020” xalqaro tanlovida 14 mamlakat ichidan “Tarix” yo’nalishi bo’yicha ishtirok etib, faxrli 1-o’rinni egalladi. Ushbu loyihaning asosiy maqsadi MDH davlatlarining oliy ta’lim muassasalari talabalarini qo’lla-quvvatlash, ilm-fan, texnika rivojlanishiga hissa qo’shayotgan yoshlarni aniqlab, ularni munosib rag’batlantirish hisoblanadi.Tanlov natijalariga ko’ra, Aziza Nuriddinovaning ilmiy ishlari, qo’lga kiritgan yutuqlari va tanlov davomidagi saralash jarayonlari hisobga olingan holda 1-o’ringa munosib topildi va “MDH ning eng yaxshi talabasi-2020” yozuvi tushirilgan ko’krak nishoni va 1-darajali diplom bilan taqdirlandi.Aziza o’zining “Abdulahadxonning Sankt-Peterburgdagi masjidi” mavzusidagi ishida Buxoro amiri Abdulahadxonning Rossiyadagi musulmon aholisining yillar davomida amalga oshirishga harakat qilgan, masjid qurish istaklarini ro’yobga chiqarishi va bu yo’ldagi voqealar haqida keltiriladi. Uning bu mavzuga qiziqishidan asosiy sabab ilmiy rahbari Jamolova Dilnoza Muyiddinovaning Buxoroning amirlik davri tarixi bilan bog’liq izlanishlari bo’ldi. Aziza o’z mavzusini mukammal tarzda yorib, e’tirofga sazovor bo’ldi.BuxDU Matbuot xizmati