Iqtidorli yoshlarni saralab olish tizimini rivojlantirish, ularni qo‘llab-quvvatlash uchun zarur sharoitlar yaratish, ulg‘ayib kelayotgan yosh avlodning ilm-fanga bo‘lgan intilishlarini rag‘batlantirish, intellektual va ijodiy salohiyatini ro‘yobga chiqarish borasidagi islohotlarni tizimli amalga oshirish, shuningdek akademik litseylar faoliyatini takomillashtirish maqsadida oliy va o‘rta mahsus ta’lim tizimida qator tizimli ishlar amalga oshirilmoqda.2020-yilning 10-dekabr kuni O‘zbekiston Respublikasi Oliy va o‘rta maxsus ta’lim vazirining birinchi o‘rinbosari Salomov Uktam Rahimovich Buxoro davlat universitetida viloyat oliy ta’lim muassasalari rektorlari, akademik litseylari direktorlari bilan uchrashdi.Uchrashuvda vazir o‘rinbosari tomonidan iqtidorli yoshlarni aniqlash, ularni akademik litseylarga saralab olish, chuqurlashtirilgan ta’lim dasturlari asosida o‘qitish, o‘quvchi yoshlarda keng dunyoqarash, intellektual salohiyat, ijodiy va tahliliy fikrlashni rivojlantirish, ilm-fanga bo‘lgan qiziqishni oshirish, ularning fan olimpiadalaridagi ishtirokini kengaytirish, o‘quvchilarni amalga oshirilayotgan islohotlarning faol ishtirokchisiga aylantirish, vatanparvarlik, izlanuvchanlik va yaratuvchanlik ruhida tarbiyalash kabi masalalar nechog‘li dolzarb ekanligi aytildi. Shuningdek, prezident qaroriga muvofiq akademik litseylarda umumta’lim fanlar soati hisobiga chuqurlashtirilgan fanlar soatini oshirish hamda ular ulushini kamida 50 foizga yetkazilishi, ta’lim bosqichlari uzluksizligini ta’minlash maqsadida oliy ta’lim muassasalarining turdosh ta’lim yo‘nalishlarida takroran o‘qitiladigan fanlarni akademik liseylar o‘quv dasturidagi tegishli fanlar bilan unifikasiya qilish rejalashtirilgan. Uchrashuv davomida akademik litsey direktorlari litseylarda mavjud muammolar ko‘rsatib o‘tilib ularning yechimini ishlab chiqilgan chora-tadbirlar rejasi asosida bartaraf qilish yo‘llari haqida so‘zladilar.Uchrashuvdan so‘ng vazir o‘rinbosari Buxoro davlat universiteti huzuridagi Qorako‘l akademik litseyi faoliyati bilan ham yaqindan tanishish maqsadida ushbu ta’lim muassasasiga tashrif buyurdi.Qorako‘l matematika maktabi xususida gap ketganda, shubhasiz, ilm-fanda xalqaro olimpiadalarda yurtimiz dovrug‘ini keng yoyayotgan yosh iqtidor egalari, yuqori bilimi va salohiyati bilan yurtimiz xalq xo‘jaligining turli tarmoqlarida mehnat faoliyatini dadil boshlagan yosh mutaxassislar, yana dunyoning aniq fanlarni chuqur o‘qitish va tadqiq etishga ixtisoslashgan nufuzli xalqaro oliy ta’lim dargohlarining yosh va yetuk kadrlari ko‘z oldimizda gavdalanadi.O‘ktam Salomov akademik litseyi muzeyi bilan tanishib, ushbu dargohda xalqaro olimpiada g‘oliblariga ta’lim bergan professor-o‘qituvchilar faoliyati bilan qiziqdi. Shuningdek, Buxoro davlat universiteti tashabbusi asosida Qorako‘l akademik litseyida innovasion smart-xona tashkil etilgan bo‘lib, unda 10 ta zamonaviy oxirgi rusumdagi HP kompyuterlari, 1 ta smart doska mavjud.Buxoro viloyatiga tashrif davomida vazir o‘rinbosari U.Salomov Buxoro davlat universitetida tashkil etilgan ilmiy-innovasion g‘oyalar va ishlanmalar yarmarkasida qatnashdi. Har yilgi an’anaga muvofiq, Buxoro davlat universitetida tashkil etilgan, viloyatdagi oliy ta’lim dargohlarida yaratilayotgan innovatsion ishlanmalar taqdimoti va ularni amaliyotga, bevosita ishlab chiqarishga joriy etishga bag‘ishlab tashkil etilgan mahorat ko‘rigida 190 ga yaqin ilmiy-nazariy ijod mahsuli–ishlanma namoyish qilindi. Ilmiy-innovasion g‘oyalar va ishlanmalar yarmarkasida respublika Innovatsion rivojlantirish vazirligi, Oliy va o‘rta maxsus ta’lim vazirligi, viloyat hokimligi mutasaddilari, hududdagi oliy ta’lim dargohlarining rektorlari, pedagog hamda talabalari, shuningdek, tegishli tashkilot va idoralar rahbarlari, ommaviy axborot vositalari xodimlari ishtirok etdilar.Universitetning kimyo kafedrasidagi ustozlari ko‘magida to‘qimachilik korxonalarida oxorlash jarayonini takomillashtirish texnologiyasi, kraxmal ishlab chiqarish orqali ip-kalavalar pishiqligini oshirish, polimer kompozisiya asosida plyonkalarning yuqori gidrofil xususiyatga ega bo‘lgani sababli to‘quv syexlarida havo namligini pasaytirish, import o‘rnini bosuvchi oxor yaratishga musharraf bo‘lgan Feruzjon Ostonovning ham ilmiy izlanishlari tahsinga loyiq. U oliy ta’lim dargohidagi ustozlari bilan bahamjihatlikda respublika yengil sanoat to‘qimachiligi va pardozlash korxonalarida hosil bo‘ladigan oqava suvlarni kimyoviy usulda tozalash texnologiyasini takomillashtirish loyihasini amalga oshirishga bel bog‘lagan. Loyiha umumiy qiymati birinchi bosqichda 800 million so‘mga baholangan va bunda 6 kishini ish bilan band etish imkoni paydo bo‘ladi.BuxDU tuzilmasidagi Qatag'on qurbonlari muzeyi direktori Azalshoh Hamroyev vazir o'rinbosari O'ktam Salomovga muzey haqida ma'lumot bermoqdaO‘zbekiston Respublikasi Prezidentining 2020- yil 8 -oktyabrdagi “Qatag‘on qurbonlarining merosini yanada chuqur o‘rganish va ular xotirasini abadiylashtirishga doir qo‘shimcha chora-tadbirlar to‘g‘risida”gi F-5598-son Farmoyishi ijrosini ta’minlash maqsadida BuxDU tuzilmasidagi Qatag‘on qurbonlari xotirasi muzeyida qator ijobiy ishlar amalga oshirildi. 2021- yilda Buxoro farzandi davlat va siyosat arbobi Fayzulla Xo‘jayevning 125 yilligi nishonlanishi rejalashtirilmoqda. Viloyat arxiv boshqarmasi bilan hamkorlikda tuman davlat arxivlari fondlarida saqlanayotgan hujjatlardan qatag‘onga uchraganlarni nomma-nom aniqlashga oid ilmiy izlanishlar yo‘lga qo‘yilgan. Ayni vaqtda 1930-32 yillarda quloq qilinganlarning mingdan ortiq yangi nomlarning ro‘yxati shakllantirildi. BuxDU tuzilmasidagi Qatag‘on qurbonlari xotirasi muzeyida amalga oshirilayotgan ishlar, yutuq va muammolarni o‘z o‘rnida o‘rganish maqsadida joriy yilning 11- dekabr kuni OO‘MTV birinchi o‘rinbosari O‘.Salomov muzeyga tashrif buyurib, yaqindan tanishdi. Muzeyning eksponatlari kundan-kunga ortib borayotganligini inobatga olib, muzeyni kengaytirish bilan bog‘liq tashkiliy ishlarni muhokama qildi. Yaratilayotgan “Buxoro xotira” kitobining nashrga tayyorlash ishlarini tezlashtirish lozimligini ta’kidlab o‘tdi. BuxDU tuzilmasidagi Qatag‘on qurbonlari xotirasi muzeyi Respublikamizdagi oliygohlar tuzilmasidagi muzeylar orasida namunaviy muzeylar safida ekanligi OO‘MTV birinchi o‘rinbosari O‘.Salomov tomonidan alohida ta’kidlandi. BuxDU Matbuot xizmati
