Toshkentdagi Xalqaro kongress markazida 1 oktyabr – O‘qituvchi va murabbiylar kuniga bag‘ishlangan tantanali marosim bo‘lib o‘tdi. Ta’kidlash joizki, ushbu bayram ilk bor davlat rahbari ishtirokida o‘tdi. Bu – ta’lim va tarbiya masalasi alohida ustuvor yo‘nalish darajasiga ko‘tarilganining yaqqol dalili. Haqiqatan ham, inson tarbiyasida, kamolotida ustozlarning xizmatlari ulug‘. Bu yilgi pandemiya bilan bog‘liq qiyin sharoitda ham jonkuyar o‘qituvchilar o‘z ishini davom ettirmoqda. Aksariyat maktablarda yangi o‘quv yili boshlandi. “Onlayn maktab” loyihasi va masofaviy ta’lim yo‘lga qo‘yildi. Ta’bir joiz bo‘lsa, bugun o‘qituvchilar ikkita frontda kurash olib bormoqda. Yana bir e’tiborli jihati, bu yilgi tabrik ham avvalgilardan farq qilib, murojaat tarzida o‘tdi.Prezidentimiz tarixga nazar solib, IX-XII asrlarda yurtimiz hududida birinchi, XV asrda ikkinchi Renessans porlaganini ta’kidlab o‘tdilar. O‘qituvchi va murabbiylar bayrami munosabati bilan imzolangan farmonga muvofiq, xalqimizning ozodligi va farovon hayotini ta’minlash yo‘lida fidokorlik ko‘rsatib, milliy ta’lim va tarbiya tizimini yaratishga beqiyos hissa qo‘shgan Abdulla Avloniy, Mahmudxo‘ja Behbudiy va Munavvarqori Abdurashidxonov “Buyuk xizmatlari uchun” ordeni bilan taqdirlangani ma’lum qilindi. Prezidentimiz O‘zbekistonda yangi Uyg‘onish davri, ya’ni uchinchi Renessans poydevorini yaratish asosiy maqsad qilib belgilanganini ta’kidlab o‘tdilar.Murojaatda hurmatli prezidentimiz tomonidan bir qancha tashabbus va takliflar ilgari surildi hamda tizimdagi mas’ul rahbarlar uchun topshiriq va vazifalar belgilab berildi. Xususan: - Buyuk ajdodlarimizning betakror va noyob ilmiy-ma’naviy merosi biz uchun doimiy harakatdagi hayotiy dasturga aylanishi hamda bu o‘lmas meros hamisha yonimizda bo‘lib, bizga doimo kuch-quvvat va ilhom bag‘ishlashi lozimligi, milliy ta’lim tizimini ana shunday ruh bilan sug‘orishimiz kerakligi ta’kidlandi. Buning uchun olim va mutaxassislarimiz, hurmatli ulamolarimiz tomonidan bu ma’naviy xazinani bugungi avlodlarga sodda va tushunarli, jozibali shakllarda yetkazib berish;- Buyuk ajdodlarimizning betakror va noyob ilmiy-ma’naviy merosi biz uchun doimiy harakatdagi hayotiy dasturga aylanishi kerak. Shu munosabat bilan Fanlar akademiyasi, Oliy va o‘rta maxsus ta’lim vazirligi, Madaniyat vazirligi, Innovasion rivojlanish vazirligi, Musulmonlar idorasi, Xalqaro islom akademiyasi, Islom sivilizasiyasi markazi buyuk mutafakkirlarimizning ilmiy-ma’rifiy va madaniy merosini fundamental asosda nashrga tayyorlash, chop etish va keng ommaga yetkazish, shuningdek, uni o‘rganish metodikasini ishlab chiqib, amalda qo‘llash chora-tadbirlarini ko‘rish;- Mustabid tuzum davrida siyosiy qatag‘on qurboni bo‘lgan ota-bobolarimizning hayoti va faoliyatini, xususan, jadidlar merosini yanada chuqur o‘rganish va ularning xotirasini abadiylashtirish bo‘yicha qaror loyihasi tayyorlash;- Qorako‘l maktabini zamonaviy maktabning haqiqiy andozasi sifatida belgilash, ushbu maktabning noyob tajribasini ommalashtirish;- Xalq ta’limi vazirligi hududlar rahbarlari bilan birgalikda har bir tumanda kamida bittadan mana shunday maktab yaratish choralarini ko‘rish;- Maktabgacha ta’lim va maktab ta’limi, oliy va o‘rta maxsus ta’lim tizimi hamda ilmiy-madaniy muassasalarni bo‘lg‘usi Renessansning to‘rt uzviy halqasi sifatida belgilash hamda bog‘cha tarbiyachisi, maktab muallimi, professor-o‘qituvchilar va ilmiy-ijodiy ziyolilarimizni esa yangi Uyg‘onish davrining to‘rt tayanch ustuni hisoblash;- Mamlakatimizning kelgusi taraqqiyotini o‘ylab, o‘qituvchi va muallimlarning hayotimizdagi nufuzi va mavqeini oshirish maqsadida ularning maqomini qonun darajasida belgilash;- Ushbu qonunda yoshlarga ta’lim va tarbiya berish jarayonida o‘qituvchilar o‘zlarining salohiyatini to‘liq namoyon etishlari uchun zarur shart-sharoitlar yaratish, ularni ijtimoiy, huquqiy, moddiy qo‘llab-quvvatlash choralari kafolatlanishi kerak. Jumladan, maktab direktori, uning o‘rinbosari, sinf rahbari, o‘qituvchining maqomi aniq belgilash;- O‘qituvchilarga ustamalar to‘lash, ularni rag‘batlantirish mezonlarini to‘liq qayta ko‘rib chiqish;- O‘qituvchilarning huquqlari davlat himoyasida bo‘lishini, ularning kasbiy faoliyatiga noqonuniy aralashuv, boshqa ishlarga jalb qilish javobgarlikka sabab bo‘lishini qat’iy belgilash;- Ta’lim sohasini rivojlantirish maqsadida tuman va shaharlarda alohida jamg‘arma tashkil etish;- Xalq ta’limi vazirligi qoshidagi Fan olimpiadalari bo‘yicha iqtidorli o‘quvchilar bilan ishlash departamenti faoliyatini kuchaytirish;- Xorijiy ekspertlar va tajribali o‘qituvchilarni keng jalb qilgan holda, umumiy ta’limning Milliy o‘quv dasturi loyihasini ishlab chiqish va joriy o‘quv yili davomida uni ilmiy-tadqiqot va ta’lim muassasalarida sinovdan o‘tkazish;- Qoraqalpog‘iston Respublikasi, viloyatlar va Toshkent shahri rahbarlari o‘z hududidagi pedagog kadrlar tayyorlaydigan universitet va institutlar bilan jidiiy ishlashi lozimligi;- Oliy ta’lim dargohlarining professor-o‘qituvchilariga ipoteka va iste’mol kreditlari ajratish, ularning sog‘lig‘ini mustahkamlash, sanatoriy va kurortlarda davolanishini tashkil etish masalalari shaxsan hudud rahbarining nazoratida turishi;-Vazirlar Mahkamasi tomonidan bosma matbuot nashrlari faoliyatini qo‘llab-quvvatlash, xususan, maktab va oliygohlarni pedagogik faoliyat uchun zarur nashrlar bilan ta’minlash, ularning kutubxonalarini o‘quv va badiiy adabiyotlar bilan to‘ldirish chora-tadbirlarini ishlab chiqish va amalga oshirish;- Musiqa va san’at, axborot texnologiyalari va sport to‘garaklari faoliyatini yanada rivojlantirish, ularni zarur vosita va jihozlar bilan to‘liq ta’minlash;- Oliy va o‘rta maxsus ta’lim vazirligi tomonidan xalqaro mehnat bozori talablariga javob beradigan kadrlarni tayyorlash, professional ta’limning mazmuni va sifatini oshirish dasturini ishlab chiqish;- Oliy ta’lim sohasida davlat-xususiy sheriklikni rivojlantirish, hududlarda nodavlat oliy o‘quv yurtlarini tashkil etish;- Mahalliy ta’lim muassasalarida innovasion faoliyat hamda tadqiqot natijalarini amaliyotga joriy etish darajasi juda pastligi e’tirof etish;. -Tizimda ilmiy darajali o‘qituvchilar ulushi o‘rtacha 37 foizni tashkil etishini ekanligi ham qoniqarli emas. Ushbu muammolarni hal etish bo‘yicha aniq vazifalarni belgilab olish;- Oliy ta’lim maskanlarini ilmiy laboratoriyalar bilan jihozlash;- Universitet va institutlarimiz ilm-fan sohasida ham faol ishlashi, yoshlarni ilmiy ishlarga, katta-katta loyihalarga jalb etishni ta’minlash;- Oliy ta’lim muassasalarida ilmiy-tadqiqot ishlarini yanada rivojlantirish maqsadida ilmiy-texnik dasturlar doirasida amalga oshiriladigan loyihalar ko‘lamini 3 barobar kengaytirish; - Oliy o‘quv yurtidan keyingi ta’limni qo‘llab-quvvatlash, xususan, doktoranturaga qabul kvotalarini 4 marta ko‘paytirish;- Axborot texnologiyalari sohasida chuqur bilim va malakaga ega bo‘lgan, ulardan unumli foydalana oladigan zamonaviy mutaxassislar milliy iqtisodiyotimiz uchun nihoyatda zarurligini e’tirof etgan holda, ushbu maqsadga erishish uchun jiddiy harakat qilish;- Jamiyatimizda ilm-fanning qadrini keskin oshirish, olimlar va tadqiqotchilar uchun sharoit va imkoniyatlarni kengaytirish kabi tashabbus va takliflar, vazifa va topshiriqlar belgilab berildi.Shu munosabat bilan 2020-yilning 2-oktabr kuni Buxoro davlat universitetida O‘zbekiston Respublikasi Prezidentining 2020 yil 30 sentyabr kuni “1-oktyabr – O‘qituvchi va murabbiylar kuni”da berilgan topshiriqlar ijrosi yuzasidan universitet rektori, barcha prorektorlari, fakultet dekanlari, dekan o'rinbosarlari, kafedra mudirlari, bo'lim boshliqlari ishtirokida yig'ilish bo'lib o'tdi. Ushbu yig'ilishda Buxoro davlat universiteti rektori Obidjon Xamidov “1-oktyabr – O‘qituvchi va murabbiylar kuni”dagi yig'ilishda prezidentimiz nutqlarini universitet jamoasiga yetkazish maqsadida so'zga chiqdilar. Shuningdek, Buxoro davlat universiteti rektori Obidjon Xamidov universitetida O‘zbekiston Respublikasi Prezidentining 2020 yil 30 sentyabr kuni “1-oktyabr – O‘qituvchi va murabbiylar kuni” munosabati bilan o‘tkazilgan yig‘ilishida berilgan topshiriqlar ijrosi yuzasidan ishlab chiqilgan chora-tadbirlar dasturi to'g'risida batafsil to'xtalib o'tdilar.Ushbu chora-tadbirlar dasturida quyidagilar keltirib o'tilgan:1. Unib-o‘sib kelayotgan yosh avlodning barkamol bo‘lib voyaga yetishi, sifatli va mukammal ta’lim olishini ta’minlash maqsadida Yoshlar huquqlarini himoya qilish dasturini ishlab chiqish va amalga oshirish.2. “Onlayn universitet” loyihasi va masofaviy ta’limni yuqori saviyada tashkil etish, masofaviy ta’lim markaz “ACCESS POINT”lar faoliyatini tizimli yo‘lga qo‘yish.3. Yangi kirgan 1-kurs talabalarining universitet bilan tanishuvi va masofaviy ta’lim olish ko‘nikmasini shakllantirish yuzasidan universitet auditoriyalarini zarur tibbiy va antiseptik vositalar bilan ta’minlash uchun byudjetdan tashqari mablag‘lar hisobidan moliyalashtirish.4. Universitetda tayyorlangan ta’lim yo‘nalishlari va magistratura mutaxassisliklarining xotin-qizlar bilan qamrovini o‘rganish, gender tengligini ta’minlash, xotin-qizlarni o‘qishga jalb qilish yuzasidan tayyorlov kurslarini yo‘lga qo‘yish.5. Malakani oshirishning yangi tizimi joriy etish. Rahbar va professor-o‘qituvchilar malaka oshirish markaziga bormasdan, masofadan turib kasbiy ko‘nikmalarini doimiy rivojlantirish imkoniyatini oshirish.6. Universitetda ta’lim yo‘nalishlari va magistratura mutaxassisliklari sonining so‘ngi 3 yilda oshishi nuqtai nazaridan kasbiy qayta tayyorlash kurslarni joriy etish.7. Fakultet dekani lavozimini tanlov asosida, fakultetni kelgusi 5 yilda rivojlantirish bo‘yicha eng yaxshi dasturga ega nomzod egallashi kerak. Fakultet dekanini ishdan bo‘shatishda Ilmiy kengash bilan kelishish.8. Universitetning xorijiy oliy ta’lim muassasalar bilan 1 ta qo‘shma fakultetini va 5 ta o‘quv markazlarini tashkil qilish.9. Turkmaniston Respublikasi va boshqa Markaziy Osiyo davlatlarida Buxoro davlat universitetining filiallarini tashkil etish;10. Universitet professor-o‘qituvchilarning mualliflik dasturlari guvohnomalarini 2021/2022 yilgacha 50%ga oshirish, o‘qitish uslublarini joriy etish, zamonaviy pedagogik shakllar, o‘qitish va tarbiya usullarini joriy etish;11. Buyuk ajdodlarimizning betakror va noyob ilmiy-ma’naviy merosini o‘rganish va bu ma’naviy xazinani bugungi avlodlarga sodda va tushunarli, jozibali shakllarda yetkazib berish maqsadida universitetda Sharq tillari, xususan, arab va fors tillarini o‘rganish Tadqiqot Markazini ochish. Pandemiya sharoitida Markazning faoliyatinini universitetning masofaviy ta’lim platformasi orqali amalga oshirish;12. Buxoro tarixi, Islom tarixi va manbashunoslik, falsafa hamda O‘zbek tili va adabiyoti kafedralari buyuk mutafakkirlarimizning ilmiy-ma’rifiy va madaniy merosini fundamental asosda nashrga tayyorlash, chop etish va keng ommaga yetkazish, shuningdek, uni o‘rganish metodikasini ishlab chiqishi, amalda qo‘llash chora-tadbirlarini ko‘rish.13. Vatanimiz ozodligi va xalqimiz baxt-saodati yo‘lida jonini fido qilgan jadidlarning ilmiy-ma’rifiy, adabiy-badiiy merosi o‘rganish maqsadida Fitrat bog‘ida “Buxoro jadidlari xiyoboni” hamda ilmiy Markazni tashkil etish.14. Ulug‘ ma’rifatparvar bobomiz Mahmudxo‘ja Behbudiy bobomizning to‘rt tilni bilish da’vatidan kelib chiqib, kredit-modul asosidagi o‘quv rejalarga talaba tanlov fanlariga sharq (arab, fors, yapon, xitoy) va xorijiy (ingliz, nemis, fransuz) tillarni qo‘yish.15. Universitet tuzilmasidagi Qatag‘on qurbonlari muzeyining faoliyatini kuchaytirish, karantin qoidalariga amal qilib, fuqarolarning mustabid tuzum davrida siyosiy qatag‘on qurboni bo‘lgan ota-bobolarimizning hayoti va faoliyati, xususan, jadidlar merosini yanada chuqur o‘rganishni tizimli tashkil etish.16. Qorako‘l Xalqaro matematika maktabining yangi ta’lim metodikasini o‘rganish, universitetning hamda Romanovskiy nomidagi Matematika instutining maktabda qo‘shma kafedrasini tashkil etish, hamkorlikda onlayn matematika olimpiadalarini o‘tkazish.17. Oliy ta’lim tizimi bo‘lg‘usi Renessansning to‘rt uzviy halqasidan biri ekanligini chuqur anglagan holda, universitet professor-o‘qituvchilari va ilmiy tadqiqotchilarini yangi Uyg‘onish davrining tom ma’nodagi tayanch ustuniga aylantirish.18. Maktabgacha ta’lim sohasiga tayyorlanayotgan kadrlarning kasbiy ko‘nikma va malakasini tubdan oshirish, maktabgacha ta’limda zamonaviy o‘qitish shakllari, yangi pedagogik va axborot texnologiyalarini joriy qilish.19. Maktabgacha ta’lim kafedrasi professor-o‘qituvchilarning kasbiy tayyorligini o‘rganish, baholash mezonlarini ishlab chiqish, ichki attestasiyadan o‘tkazish, zamon talabiga javob bermaydigan pedagog-xodimlar bilan mehnat shartnomasini qayta ko‘rib chiqish.20. Oliy ta’lim tizimida professor-o‘qituvchilarning gender tengligini ta’minlash, yuqori natijalarni qo‘lga kiritgan professor-o‘qituvchilarni Davlat mukofotlariga tavsiya etish.21. Matematika hamda kimyo-biologiya fanlarini rivojlantirish bo‘yicha universitetning ixtisoslashgan maktablarini bosqichma-bosqich tashkil etish. Matematika, kimyo, biologiya, axborot tizimlari va informatika fanlari bo‘yicha sertifikasiya tizimini joriy etish.22. O‘qituvchilar ishini yengillashtirish va ularning salohiyatidan oqilona foydalanish uchun oliy va professional ta’limni raqamlashtirish, “Onlayn universitet”, “Raqamli va xavfsiz universitet”, “Elektron darslik”, “Elektron qaydnoma” kabi tizimlarni takomillashtirish.23. 2020 yil oxirigacha fakultetlarni keng polosali Internet tarmog‘iga ulash darajasini 100 foizga yetkazish.24. Viloyat hokimligi bilan hamkorlikda universitet professor-o‘qituvchilariga ipoteka va iste’mol kreditlari ajratish, ularning sog‘lig‘ini mustahkamlash, sanatoriy va kurortlarda davolanishini tashkil etish.25. Maktablarda informatika, kimyo, xorijiy tillar kabi fanlar bo‘yicha o‘qituvchilar yetishmovchiligini bartaraf etish maqsadida pedagogik bo‘lmagan yo‘nalishlar bo‘yicha oliy ta’lim olayotgan yoshlar uchun universitetda qisqa muddatli pedagogik kurslar tashkil qilish.26. Bugungi murakkab globallashuv davrida jamiyatimizda milliy g‘oya va mafkuraviy immunitetni kuchaytirish, yoshlarimizni turli zararli g‘oya va tahdidlardan asrash, ularni o‘z mustaqil fikriga ega, irodali, fidoyi va vatanparvar ruhida tarbiyalash27. Universitetni bitirib chiqayotgan yosh mutaxassislarni 100% ish bilan ta’minlash chora-tadbirlarini ko‘rish.28. Universitetning innovasion faoliyat hamda tadqiqot natijalarini amaliyotga joriy etish darajasini oshirish, yaqin yillar ichida ilmiy salohiyatni 60 %ga yetkazish.29. Universitet ilmiy laboratoriyalarini zamonaviy vositalar bilan jihozlash, tizimda axborot-kommunikasiya texnologiyalarini qo‘llash darajasini oshirish.30. Ilmiy-tadqiqot ishlarini yanada rivojlantirish maqsadida ilmiy-texnik dasturlar doirasida amalga oshiriladigan loyihalar ko‘lamini 3 barobar kengaytirish, doktoranturaga qabul kvotalarini 4 marta ko‘paytirish kabi masalalar aytilib o'tildi.BuxDU Matbuot xizmati
