Konstitutsiyamizda muhrlab qo`yilgan tamoyil va qoidalar asosida mamlakatimizda to`laqonli, samarali amal qiladigan qonunchilik va huquqiy baza yaratildi. Bir so`z bilan aytganda, Asosiy Qonunimiz huquqiy davlat qurish yo`liga o`tishimizning poydevorini qurib berdi.Biz tanlab olgan va mashhur besh tamoyilga asoslangan taraqqiyot modelining naqadar to`g`ri ekani siyosiy va iqtisodiy tizimni demokratlashtirish, umuman, mamlakatimiz hayotidagi tub o`zgarishlar, O`zbekistonning istiqlol yillaridagi jadal rivojlanishi misolida o`zining amaliy tasdig`ini topmoqda. O`tgan davr mobaynida biz erishgan marralar haqida gapirar ekanmiz, hech shubhasiz, ko`pchilikning hayrati va havasini uyg`otadigan natijalar, ya’ni, yalpi ichki mahsulotimiz hajmining, aholi real ish haqi va daromadlarining yuksak o`sish sur’atlarini; iqtisodiyotimizdagi tub tarkibiy o`zgarishlar va mamlakatimizda ishlab chiqarish o`zlashtirilgan mutlaqo yangi, raqobatdosh mahsulotlarning jahon bozoriga chiqarilayotganini; yurtimiz qiyofasini butunlay o`zgartirayotgan inshootlar va ishlab chiqarish korhonalari, ijtimoiy ob’ektlar va turar-joy binolarini barpo etish bo`yicha keng miqyosdagi bunyodkorlik ishlarini, ta’lim-tarbiya, sog`liqni saqlash va aholini ijtimoiy himoya qilish sohalarida qo`lga kiritayotgan ulkan yutuqlarimizni yorqin misollarda ko`rish va anglash qiyin emas. Mamlakatimizda amalga oshirilayotgan keng ko`lamli islohotlarda yoshlarni faol ishtirokini taminlash, yuksak ma’naviyatli, mustaqil fikrlaydigan, zamonaviy ilm-fan yutuqlarini puhta o`zlashtirgan har tomonlama sog`lom va barkamol avlodni voyaga etkazishga qaratilgan yoshlarga oid davlat siyosatini izchil amlga oshirish maqsadida universitet talaba-yoshlari o`rtasida “O`zbekiston Respublikasi Konstitutsiyasi – mamlakat taraqqiyoti va jamiyat faravonligining huquqiy kafolati” mavzusida qator davra suhbatlari o`tkazilmoqda. Jumladan, joriy yilning 14 noyabr kuni Pedagogika hamda 2 dekabr kuni Jismoniy tarbiya fakultetlarida o`tkazilgan davra suhbatlari shular jumlasidan. Ushbu davra suhbatlarini Milliy g`oya, huquq va ma’naviyat asoslari kafedrasi o`qituvchisi U.Sobirov olib bordi. Ma’naviyat va ma’rifat bo`limi boshlig`i A.Jumayev
