O‘zbekiston Respublikasi Prezidentining 2020 yil 19 martdagi PF-5969-son “Koronavirus pandemiyasi va global inqiroz holatlarining iqtisodiyot tarmoqlariga salbiy taʼsirini yumshatish bo‘yicha birinchi navbatdagi chora-tadbirlar to‘g‘risida”gi Farmoni, O‘zbekiston Respublikasi Prezidenti huzurida 2020 yil 30 aprel kuni o‘tkazilgan yig‘ilish 28-sonli bayoni, O‘zbekiston Respublikasiga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha respublika Maxsus komissiyasi yig‘ilishining 2020 yil 27 martdagi 11-sonli bayonida belgilangan topshiriqlar ijrosini taʼminlash hamda karantinga oid choralar amal qilish davrida taʼlim tashkilotlarida amalga oshirilayotgan masofaviy o‘qitishning sifati va “Yo‘l xaritasi” (2020 yil uchun)da belgilangan vazifalar ijrosi holati monitoringini yuritish maqsadida O‘zbekiston Respublikasi Vazirlar Mahkamasi huzuridagi taʼlim sifatini nazorat qilish davlat inspeksiyasi xodimlari bilan Buxoro davlat universiteti tasdiqlangan grafik asosida 2020 yil 11 iyun sanasida videomuloqot (ZOOM dasturi orqali) o‘tkazildi. Videomuloqotda universitet rektori O.X. Xamidov universitetda masofaviy o‘qitishning qay darajada yo‘lga qo‘yilganligi hamda karantin davrida o‘quv jarayonining sifati monitoringi haqida tahliliy maʼlumotlarni berdi. Universitetda amalga oshirilayotgan masofaviy o‘qitishning sifati va “Yo‘l xaritasi”da belgilangan vazifalar ijrosi monitoringini yuritish bo‘yicha Taʼlim inspeksiyasidan biriktirilgan masʼullar tomonidan axborot berildi. Shuningdek, Taʼlim inspeksiyasi tomonidan tashkil qilingan OTMda masofaviy o‘qitishning sifati bo‘yicha talabalar o‘rtasida onlayn so‘rovnomalar BuxDU misolida tahlil qilinib, masofaviy taʼlim jarayonida talaba-yoshlarni qiynab kelayotgan muammolar va ularning yechimlari borasida zaruriy chora-tadbirlar amalga oshirilishi belgilab olindi.Ilm, maʼrifat va raqamli iqtisodiyotni rivojlantirish yilida universitetda hozirgi kunda faoliyat olib borayotgan masofaviy taʼlim platformasi MOODLE 3.8. (http://nmoodle.buxdu.uz) dan foydalangan holda o‘qitishning yo‘lga qo‘yilganligi, talabalarni baholashda keng qo‘llanilayotgan elektron qaydnoma (http://qaydnoma.buxdu.uz) va onlayn test dasturi (TestBukhSU v.1.0), talabalarning masofadan turib elektron adabiyotlardan foydalanishlari uchun BuxDU elektron kutubxonasi (http://elib.buxdu.uz), joriy o‘quv yilining boshidan qo‘llanilayotgan Elektron tanlov ilovasi (e-tanlov v.2.0) hamda shunga o‘xshash talabalarning masofaviy taʼlim olishi olishi uchun kerakli bir qancha dasturiy vositalarning universitetda qo‘llanilayotganligi to‘g‘risida universitet rektori tomomnidan batafsil yoritib berildi. Videomuloqot yakunida “Yo‘l xaritasi”da belgilangan vazifalar ijrosi holati, universitetda masofaviy taʼlim texnologiyalaridan foydalangan holda o‘qitishning sifati, masofaviy o‘qitishga jalb etilgan professor-o‘qituvchilar qamrovi va ularning dars mashg‘ulotlarini o‘z vaqtida borilishi va sifati, taʼlim platformasiga kiritilgan maʼlumotlar sifati, undan foydalanayotgan (yoki foydalanmayotgan) talabalar qamrovi, onlayn mashg‘ulotlarni amalga oshirishda muammolarga duch kelayotgan taʼlim oluvchilar uchun yaratilgan qo‘shimcha chora-tadbirlar va ularning amalga oshirilishi to‘g‘risida Taʼlim inspeksiyasiga muntazam ravishda tahliliy hisobotlarni kiritib borilishi kelishib olindi.BuxDU Matbuot xizmati
