Kuni kecha Pedagogika fakulteti “Mehnat ta’limi” kafedrasi o’qituvchisi N.N. Mirjanova boshchiligida 4-1MEH-16 guruhida 2-juftlikda “Texnik ijodkorlik va dizayn” fanidan “O’quvchilаrning tехnik ijоdkоrligini rivоjlаntirish yo’nalishlari, bosqichlari va mеtоdlаri” mavzusida ochiq dars o’tkazildi. Ochiq dars noodatiy tarzda hamda interaktiv metodlar qo’llagan holda o’tkazildi.Ochiq dars mavzusini o’qituvchi N. Mirjanova tomonidan tayyorlangan slaydlar yordamida talabalarga texnik ijodkorlikning rivojlanishi, o’quvchilarning texnik ijodkorligini tashkiliy tizimi, o’quvchilarning texnik ijodkorligi mazmunini rivojlantirishning asosiy yo’nalishlari, ijodkorlik darslarini tashkilashtirish tamoyillari to’g’risida ma’lumotlar tushuntirildi. Shuningdek, kichik guruhlarda ishlash metodidan foydalanib, 4-1 MEH-16 guruh talabalarni 3 ta kichik guruhga bo’lib, har bir guruh nomlanib, guruh sardorlari tayinlandi. I -guruh – “Ijodkorlar”, II-guruh – “Mohir qo’llar”, III-guruh – “Yosh dizaynerlar” deb nomlandi, guruh sardorlari: N. Qahramonova, G. Rasulova hamda G. Sayfulloyeva etib tayinlandilar. Har bir guruh bilan mavzu yuzasidan savol- javob, bahs-munozaralar o’tkazildi. So’ngra 3 ta guruhga “Siz yangi yilni qanday tasavvur etasiz” erkin ijod qilish va fikrlash uchun amaliy topshiriq berildi. Topshiriq rangli qog’oz, har xil bezaklardan applikasiya tayyorlash vazifasi berildi. Guruhlar bu topshiriqni qisqa vaqt ichida a’lo darajada tayyorlab, mohirlik bilan izohlab berishdi. Ochiq dars so’ngida amaliy topshiriqni muvaffaqiyatli bajargan guruhlar Prezidentimiz Sh. Mirziyoyev 5 tashabbuslari asosida o’qituvchi N. Mirjanova kitobxonlikni targ’ib etgan holda, faol, ijodkor talabalarga badiiy kitoblar taqdim etdi. Shunigdek, “Mehnat ta’limi” kafedrasi mudiri Sh. Quliyeva 4-1MEH-16 guruh talabalarga kelgusida ijodkor, tashabbuskor, yangilikka intiluvchan o’qituvchi bo’lib faoliyat olib borishlariga tilak bildirdilar. Ochiq dars o’z maqsadiga yetdi.