Buxoro davlat universiteti Xorijiy tillar fakulteti Ingliz adabiyoti kafedrasi oʼqituvchilari X.T. To`rayeva, M.X. Niyozova tashabbusi bilan talabalarning siyosiy va huquqiy faolligini oshirishga qaratilgan Oliy Majlis Qonunchilik palatasi hamda xalq deputatlari mahalliy Kengashlarga boʼlib oʼtadigan saylov - “Siyosiy jarayonlarda yoshlarning siyosiy faolligini oshirish - ustuvor vazifamiz” mavzusida davra suhbati tashkil etildi va ushbu davra suhbatida 27 – saylov uchastkasi raisi Xalq Demokratik partiyasi aʼzosi M.B. Bobomurodova va mazkur oliygoh oʼqituvchi va talabalari ishtirok etishdi.Tadbirda M.B. Bobomurodova Oʼzbekiston Respublikasida 22 dekabr kuni boʼlib oʼtadigan saylovlarning mazmun-mohiyati va saylovga oid qonunchilik, saylov kodeksi MSK vakolatlari, qonunchilik palatasi, saylov okruglari, fuqarolarning saylovda ishtiroki haqida bergan batafsil maʼlumotlari yoshlarning diqqat markazidan joy oldi. Tadbir davomida saylov toʼgʼrisida savol-javoblar qizgʼin tus oldi. Imkoniyatdan foydalanib, talabalar koʼplab maʼlumotlarga ega boʼldilar. Tadbir soʼngida ishtirokchilar qiziqqan savollariga javoblar olishdi.