Buxoro davlat universiteti Jismoniy madaniyat fakulteti 7-1JM, 18- guruh,7-2JM-18- 7-3JM-18- talabalari bilan birgalikda”Ma`naviyat kuni” da ”Yoshlar orasida Huquqbuzarlik va jinoyatchilikni oldini olishga qaratilgan chora-tadbirlar va yoshlarga oid davlat siyosatining mazmun-mohiyati va amalga oshirilgan ishlar toʼgʼrisidagi" davra suhbati bo`lib o`tdi. Buxoro sh. I.I.O Probatsya xodimlari O.O.Egamov soʼzga chiqib, avvalo huquq bu nima? Huquqiy madaniyat va huquqiy ong deganda nimani tushunamiz? Huquq - bu har bir insonning shaxsiy va ijtimoiy, siyosiy huquqlari bor. Oʼzbekiston oʼz Mustaqilligini qoʼlga kiritganidan soʼng milliy davlat ramzlari (bayrogʼi, gerbi va madhiyasi)ga ega boʼldi. Huquq va huquqiy madaniyat toʼgʼrisida gap borar ekan albatta Konstitutsiya haqida toʼxtalib oʼtish joiz deb bilaman. Fuqarolarimizning erkinliklari, huquq va burchlari qonuniy tarzda asosiy hujjati davlatimizning Konstituttsiyasida belgilab qoʼyilgan.. Oʼzbekiston Respublikasining asosiy qonuni, oliy yuridik kuchga ega boʼlgan siyosiy huquqiy hujjatdir. 1992-yil 8-dekabrda 12 chaqiriq Oʼzbekiston Respublikasi Oliy Kengashining 11 sessiyasida qabul qilingan.”Oʼzbekiston Respublikasining davlat mustaqilligi toʼgʼrisida” gi Konstitutsiyaviy qonun (1991-yil 31-avgust) ushbu qonun Konstitutsiyaviy uchun asos boʼlib xizmat qilgan. Mustaqil Oʼzbekistonning birinchi Konstitutsiyasini yaratish gʼoyasi ilk bor 1990 yil 20-iyunda boʼlib oʼtgan mamlakat Oliy Kengashining 2 sessiyasida ilgari surilgan. Ushbu sessiya Prezident I.А.Karimov raisligida 64 kishidan iborat Konsititutsiyaviy kommisiyani tuzish toʼgʼrisida qaror qabul qilingan. Uning tarkibiga depututlar, Qoraqolpogʼiston Respublikasi va viloyatlarning vakillari, davlat hamda jamoat birlashmalari, korxonalar va xoʼjaliklarning rahbarlari, huquqshunos va olimlar va mutaxassislar kirgan. Oliy Kengashning 10 sessiyasida komissiya tarkibi qisman yangilangan. Komissiya ishlab chiqqan loyiha matbuotda e`lon qilinib, keng muhokama etilgan. Konstitutsiyaviy komissiya umumxalq muhokamasi yakunlarini koʼrib, loyihani tuzatib va ma`qullab Oliy Kengash sessiyasida koʼrib chiqishga tavsiya qilingan. Oʼzbekiston Respublikasi Mustaqilligini qoʼlga kiritganidan soʼng mamlakatimizda yoshlar masalasi davlat siyosati darajasigacha koʼtarilganligidan xabarimiz bor. Ushbu ya`ni yoshlarga oid davlat siyosati toʼgʼrisidagi qonuning asosiy maqsadi yoshlarga oid davlat siyosati sohasidagi munosabatlarni tartibga solishdan iboratdir. Yoshlarga oid davlat siyosati toʼgʼrisidaga qonun hujjatlari ushbu qonun va boshqa qonun hujjatlaridan iboratdir. Yoshlar – (yosh fuqarolar) – oʼn toʼrt yoshga toʼlgan va oʼttiz yoshdan oshmagan shaxslar; Yoshlarga oid davlat siyosatining asosiy prinsiplari: ochiqlik va shaffoflik; yoshlarga oid davlat siyosatini roʼyobga chiqarishda yoshlarning ishtirok etishi; yoshlar tashabbuslrini qoʼllab-quvvatlash va ragʼbatlantirish; ma`naviy ,axloqiy va madaniy qadriyatlarning ustuvorligi yoshlarning huquqlari, erkinliklari va qonunuiy manfavatlarini ta`minlash; yoshlarning hayoti va sogʼligini saqlash; yoshlarni ishga joylashtirish va ularning bandligi uchun shart-sharoitlar yaratish kabilardan iboratdir. Yoshlarga oid davlat siyosati – davlat tomonidan amalga oshiriladigan hamda yoshlarni ijtimoiy jihatdan shakllantirish va ularning intellektual, ijodiy va boshqa yoʼnalishdagi salohiyatini kamol toptirish uchun shart-sharoitlar yaratilishini nazarda tutadigan ijtimoiy-iqtisodiy, tashkiliy va huquqiy chora-tadbirlar tizimi; Unga koʼra, yosh oila er-xotinning ikkisi ham oʼttiz yoshdan oshmagan oila yoxud farzand (bola) tarbiyalab voyaga yetkazayotgan oʼttiz yoshdan oshmagan yolgʼiz otadan yoki yolgʼiz onadan iborat boʼlgan oila, shu jumladan nikohdan ajralgan, beva erkak (beva) ; Mavzuni guruh sardori Toʼxtamurodov N. davom ettirib, Huquq bu- davlat tomonidan oʼrnatiladi va qoʼriqlanadi. Har bir insonning shaxsiy, iqtisodiy, ijtimoiy va siyosiy huquqlardir. Shaxsiy huquqlar- yashash va shaxsiy daxlsizligi, iqtisodiy huquqlar - mulkdor boʼlish huquqi, ijtimoiy huquq - dam olish, ta`lim olish, bepul tibbiy xizmatdan foydalanish shular jumlasidandir. Har bir fuqaroning barcha huquqlari, erkinliklari va burchlari qonun himoyasida. Huquqiy madaniyat- bu har bir millatning joriy etilgan qonun va qarorlarini soʼzsiz tan olish va ularga rioya qilish demakdir. Huquqiy ong- inson ongida huquqiy bilimlarni singdirib borish jarayonida shakllanadi. Huquqbuzarlik - qonunlarga amal qilmaslik yoki mensimaslik, loqaydlik oqibatida sodir etiladi. Mamlakatning har bir fuqarosi jamiyat hayotidan uzilmagan holda normativ-huquqiy hujjat va qarorlarga hurmat bilan qarashi va ularni toʼlaligicha amalga oshirishini unutmasligi lozim. Har bir fuqaro joriy etilgan qonunlarga rioya qilishi va ularni soʼzsiz tan olishi lozim. Oʼz navbatida bizga berilgan bu cheksiz imkoniyatlardan toʼla foydalanib albatta majburiyatlarimizni ham unutmasligimiz lozim. Vatanimiz va xalqimiz oldidagi ma`suliyatli vazifalarimizni unutmasligimiz shart. Zero bizning orzuyimizda Oʼzbekiston “Erkin- shaxs, kuchli fuqarolik jamiyati, huquqiy demokratik davlatni” barpo etishdir. Bu maqsad yoʼlida esa barchamiz birgalikda harakat qilib oʼz huquq va majburiyatlarimizni bilgan holda qonunlarga hurmat bilan qarashimiz lozim.
