Filologiya fakultetining yangi Chexov nomli talabalar teatr jamoasi ilk bor sahnada o'z chiqishlarini namoyish etishdi! Iqtidorli talabalar ijrosidagi "Свадьба" asari sahnasini tomoshabinlar maroq bilan tomosha qilishdi. Xalqaro talabalar kuni va O'zbekiston Respublikasi ramzlaridan biri bayroq qabul qilinganligining 28 yilligi shodiyonasi arafasida TTJda o'tkazilgan ushbu tadbir barcha talabalarga ko'tarinki ruh bag'ishladi.Mehmon sifatida tadbirda Buxoro viloyati OTM bilan ishlash bo'limi boshlig'i Sherzod Narzullayev, BuxDU yoshlar ittifoqi yetakchisi O.S.Sobirov, Filologiya fakulteti dekani D.Z. Rajabov, filologiya fakulteti yoshlar bilan ishlash bo'yicha dekan o'rinbosari T.A.Rajabovlar ishtirok etishdi. Sherzod Narzullayev Chexov nomli talabalar teatr jamoasi a'zolarining chiqishlaridan juda ham mamnun ekanligini ta'kidladi va jamoaga ulkan omadlar tiladi. Filologiya fakulteti dekani D.Z.Rajabov va BuxDU yoshlar ittifoqi yetakchisi O.S Sobirov esa talabalar teatr jamoasi vakillariga o'z minnatdorchiliklarini bildirishdi. Tadbir yakunida TTJda yashovchi talabalar 3 ta: "Eng ozoda xona", "Eng ozoda bino", "Kitobxon talaba" nominatsiyalari bo'yicha esdalik sovg'alari bilan taqdirlanishdi!
