O‘zbekiston Respublikasi Oliy va o‘rta maxsus ta’lim vazirligi tomonidan O‘zbekiston yoshlar ittifoqi Markaziy Kengashi bilan kelishilgan holda ishlab chiqilgan “O‘zbekiston Respublikasi Oliy va o‘rta maxsus ta’lim vazirligi tizimida 2019-yilda yoshlarga oid davlat siyosatini amalga oshirish bo‘yicha chora-tadbirlar dasturi”ning 31-bandida belgilangan vazifalar hamda Vazirlikning 2019-yil 10 apreldagi 327-sonli buyrug‘i ijrosini ta’minlash maqsadida universitet rektorining 2019-yil 16 apreldagi 347-U sonli buyrug‘i ishlab chiqildi.Mazkur buyruqqa muvofiq universitet talaba-yoshlari o‘rtasida “Biz korrupsiyaga qarshimiz” mavzusidagi “Eng yaxshi plakat” va “Eng yaxshi maqola” nominatsiyalari bo‘yicha tanlov o‘tkazilmoqda. Barcha fakultetlarda tanlovning birinchi bosqichi joriy yil may oyining birinchi o‘n kunligida o‘tkaziladi va tanlov g‘oliblari fakultet tomonidan Faxriy yorliqlar bilan taqdirlanadi. Tanlovning universitet bosqichi joriy yil may oyining uchinchi o‘n kunligida o‘tkazilishi belgilab o‘tilgan.Universitet bo‘yicha tanlovda ikkita yo‘nalish bo‘yicha 1-, 2-o‘rinni egallagan talabaning hujjatlari tanlov Nizomining VI-bo‘lim talablari asosida tayyorlanib va vazirlik Tashkiliy qo‘mitasiga joriy yilning 30 mayiga qadar taqdim etish vazifalari belgilangan. Barcha universitet talabalarini tanlovga ishtirok etish uchun taklif etamiz.
