Ish faoliyati: 31 yil
Pedagogik faoliyati: 31 yil
Quvvatova Dilrabo Xabibovna 1968-yil 27-martda Buxoro viloyati G‘ijduvon tumanidagi Soktare qishlog‘ida tug‘ilgan, millati o‘zbek. 1985-yilda G‘ijduvon tumanidagi Sadriddin Ayniy nomli o‘rta maktabni bitirgan. 1990-yilda Buxoro davlat pedagogika institutini imtiyozli diplom bilan tamomlagan.
1990-yilning avgustidan dekabrigacha G‘ijduvon tumanidagi Ibn Sino nomli o‘rta maktabda ona tili adabiyoti o‘qituvchisi bo‘lib ishlagan. 1990- 1993-yillarda Buxoro davlat universiteti O‘zbek adabiyoti kafedrasi huzuridagi kunduzgi aspiranturada tahsil olgan. 1993-yil dekabridan O‘zbek adabiyoti kafedrasi o‘qituvchisi sifatida faoliyatini boshlagan. 1997-yilda O‘zR FA Til va adabiyot instituti ixtisoslashgan kengashida “O‘zbek ilmiy-badiiy fantastikasida folklor motivlari” mavzusida nomzodlik dissertatsiyasini himoya qilgan. 2007-yilda dotsent ilmiy unvoniga erishgan.
2007-2011 yillarda BuxDU O‘zbek adabiyoti kafedrasi huzuridagi doktoranturada o‘qigan. 2014-2016-yillarda “Istiqlol davri adabiyotida Sharq va G‘arb adabiy an’anlari sintezi” mavzusidagi fundamental loyihada katta ilmiy xodim sifatida faoliyat ko‘rsatgan. Alisher Navoiy nomidagi Toshkent davlat o‘zbek tili va adabiyoti universiteti huzuridagi fan doktori ilmiy darajasini beruvchi 08.06.2016 Fil.33.01 raqamli kengashda “XX asr ikkinchi yarmi o‘zbek dostonchiligining taraqqiyot xususiyatlari” mavzusida 10.00.01 – O‘zbek tili. O‘zbek adabiyoti ixtisosligi bo‘yicha doktorlik dissertatsiyasini 2016-yilda himoya qilgan. 2017-2020 yillarda O‘zbekiston Respublikasi Vazirlar Mahkamasi huzuridagi Oliy attestatsiya komissiyasining Filologiya fanlari bo‘yicha Ekspert kengashi a’zosi sifatida faoliyat ko‘rsatdi. Hozirda esa Alisher Navoiy nomidagi Toshkent davlat o‘zbek tili va adabiyoti universiteti huzuridagi ilmiy darajalar beruvchi DSc.03/30.12.2019.Fil.19.01 kengash, va Buxoro davlat universiteti huzuridagi DSc.03/04.06.2021.Fil.72.09 raqamli himoya kengashlari, Qarshi davlat universiteti huzuridagi PhD.30.05.2018.Fil.70.01 qoshidagi ilmiy seminar a’zosi hamdir. Uning ilmiy rahbarligida 4 nafar mustaqil izlanuvchi, 2 nafar tayanch doktorant adabiyotshunoslik fanlarining dolzarb muammolari bo‘yicha doktorlik tadqiqotlarini (PhD) himoya qildi.
Hozirgacha u 3 ta monografiya, 3 ta o‘quv qo‘llanma, 6 o‘quv-uslubiy qo‘llanma, 2 ilmiy risola, 200 ga yaqin ilmiy maqola e’lon qilgan.
2011-yildan hozirga qadar avval dotsent, keyin professor lavozimida ishlab kelmoqda.