Ish faoliyati: 26 yil Pedagogik faoliyati: 26 yil
Qayumova Aziza Toshmuradovna 1970 yil 30 mayda Buxoro viloyati Gʻijduvon tumanidan tug‘ilgan. Ma’lumoti oliy, 1992 yil Moskva davlat pedagogika universiteti rus tili va adabiyoti o‘qituvchisi, Buxoro davlat universiteti huzuridagi mintaqaviy markaz sotsiologiya yo‘nalishini tamomlagan. 70 dan ortiq ilmiy ishlar muallifi.
Aziza Qayumova mehnat faoliyatini 1992 yil Buxoro davlat universitetida boshlagan. 1992-1993 yillar “Tarjima va Jahon adabiyoti” kafedrasi o‘qituvchisi, 1999 yil Ma’naviyat va ma’rifat bo‘limi uslubshunosi, 1999-2000 yillar Kamolot yoshlar ijtimoiy harakati Buxoro viloyati kengashi Bolalar tashkiloti raisi, 2000-2003 yillar Buxoro davlat universiteti aspiranti, 2003-2008 yillar Sotsiologiya va madaniyatshunoslik kafedrasi o‘qituvchisi, 2008-2011 Sotsiologiya va madaniyatshunoslik kafedrasi katta o‘qituvchisi, 2011-2014 yillar Psixologiya va sotsiologiya kafedrasi katta o‘qituvchisi, 2014-2017 yillar Psixologiya kafedrasi katta o‘qituvchisi, 2017 va h.v. Islom tarixi va manbashunosligi, falsafa kafedrasi katta o‘qituvchisi lavozimida faoliyat yuritib kelmoqda.
Sotsiologiya fanlari bo‘ycha falsafa doktori (PhD) dissertasiyasi mavzusi O‘zbekiston Respublikasi Vazirlar Mahkamasi huzuridagi Oliy attestasiya komissiyasida В2021.1.PhD/S88 raqam bilan ro‘yxatga olingan.
Qayumova Aziza Toshmuradovna 2021 yil 21 dekabrda O‘zbekiston Respublikasi Prezidenti huzuridagi Davlat boshqaruvi akademiyasi huzuridagi DSc.20/30.12.2019.S.23.02 raqamli Ilmiy kengash qoshidagi Ilmiy seminarda PhD falsafa doktori ilmiy ishini muhokamadan o’tkazdi. Dissertasiya mavzusi “Ibn Xaldun sotsiologik qarashlarida ijtimoiy tuzilmalar va munosabatlar tahlili” mavzusidagi “22.00.01 – Sotsiologiya nazariyasi, uslubiyoti va tarixi” ixtisosligi bo‘yicha jami 21 ta ilmiy ish chop etilgan. Shulardan, O‘zbekiston Respublikasi Oliy Attestasiya Komissiyasining sotsiologiya fanlari bo‘yicha falsafa doktori (PhD) dissertasiyalari asosiy natijalarini chop etish tavsiya etilgan ilmiy nashrlarda 5 ta maqola, jumladan, 3 tasi respublika va 2 tasi xorijiy jurnallarda nashr qilingan. Viloyat miqyosida umumiy o‘rta ta’lim maktablari va kasb-hunar kollejlari bilan o‘quv-tarbiya jarayonini tashkil qilish bo‘yicha hamkorlikda faoliyat olib boradi. Qayumova Aziza Toshmuradovna xalqaro va respublika miqyosida o‘tkazilgan ilmiy-anjumanlarda ma’ruza hamda tezislari bilan doimiy ishtirok etadi. Shu bilan bir qatorda 2016 yil O‘zbekiston Milliy universitetida o‘tkazilgan “Falsafa va ijtimoiy taraqqiyot” mavzusidagi V Respublika ilmiy-amaliy konferentsiyasida faol ishtirok etgani uchun sertifikat bilan taqdirlangan. 2017 yilda Buxoro davlat universitetida ilm-fan taraqqiyotini yuksaltirishdagi roli va hissasini e’tirof etgan holda 1 oktyabr – “O‘qituvchi va murabbiylar kuni” umumxalq bayrami munosabati bilan ko‘p yillar samarali mehnat qilgan, ma’naviy barkamol va vatanparvar yoshlar ta’lim-tarbiyasiga katta ulush qo‘shib kelgan zahmatkash, bilimdon va izlanuvchan, tashabbuskor, yuksak kasbiy mahoratga ega pedagog sifatida yurtimiz intellektual salohiyatini yuksaltirishdagi xizmatlari Faxriy yorliq bilan taqdirlangan.
Aziza Qayumova oilali. Ikki farzandning onasi.