A.A.Turayev, 2004 yilda Buxoro davlat universiteti fizika-matematika fakultetini asbobsozlik mutaxassisligi bo‘yicha bitirib, 2009-2011 yillarda mazkur ta’lim muassasasini “Fizika fanini o‘qitish metodikasi” mutaxassisligi bo‘yicha magistraturasini tamomlagan. 2012-2013 yillarda Buxoro davlat universiteti fizika kafedrasida 01.04.10 - Yarimo‘tkazgichlar fizikasi ixtisosligi bo‘yicha stajyor-tadqiqotchi-izlanuvchi, 2013-2015 yillarda Buxoro davlat universiteti katta ilmiy xodim-izlanuvchisi bo‘lgan. 2018 yil “Osobennosti chuvstvitelnosti mnogofunksionalnogo datchika na osnove polevogo tranzistora v rejime obedneniya kanala” mavzusida nomzodlik dissertatsiyasini himoya qilib, fizika-matematika fanlari bo‘yicha falsafa doktori, (PhD) ilmiy darajasini olgan va dotsent ilmiy unvoniga erishgan.
U Buxoro davlat universitetida o‘z mehnat faoliyati davomida o‘qituvchi, katta o‘qituvchi, kafedra dotsenti, bo‘lim boshlig‘i, 4 sohada
(2015-2017 yy. - Buxoro davlat universiteti mehnat ta’limi kafedrasi o‘qituvchisi, 2017-2019 yy. - Buxoro davlat universiteti mehnat ta’limi kafedrasi katta o‘qituvchisi, 2019 y. - Buxoro davlat universiteti mehnat ta’limi kafedrasi dotsenti, 2019 y. - h.v. - Buxoro davlat universiteti magistratura bo‘limi boshlig‘i) samarali ishlab kelmoqda.
Olim hozirda ham universitetda o‘z faoliyatini davom ettirmoqda. Ilmiy izlanishlari davomida 100 ga yaqin ilmiy, ilmiy-uslubiy ishlar, jumladan, 1 patent, 6 mualliflik guvohnomasi, Oliy va o‘rta maxsus ta’lim vazirligining grifi asosida 1 o‘quv qo‘llanma, 6 o‘quv-uslubiy, ilmiy-uslubiy qo‘llanma, 3 monografiya chop etgan. 80 dan ortiq ilmiy, ilmiy-uslubiy, ommabop maqolalari respublika va xorijning nufuzli jurnallarida hamda ilmiy konferensiya materiallarida nashr qilingan. 2018 yilda fizika-matematika fanlari bo‘yicha falsafa doktori dissertatsiyasini muvaffaqiyatli himoya qilgan. U 01.04.10 – Yarimo‘tkazgichlar fizikasi ixtisosligi bo‘yicha dotsent ilmiy unvonini olgan.
Olimning so‘nggi 3 yilda chop etilgan “Texnologik ta’lim” (Toshkent, 2020), “Gidravlika va issiqlik texnikasi fanidan laboratoriya ishlarini bajarish” (Buxoro, 2019), “Standartlash, sertifikatsiya va metrologiya” (Toshkent, 2019), “Chuvstvitelnыe k vneshnim vozdeystviyam datchiki novogo pokoleniya (na primere temperaturы)” (Buxoro, 2019) o‘quv qo‘llanma va monografiyalaridan talabalar, soha mutaxassislari keng foydalanib kelmoqdalar.
2015 yil A.Turayev “Maydon tranzistori asosidagi ko‘p funksiyali qayd qilgich” nomli ixtirosiga O’zbekiston Respublikasi intellektual mulk agentligi tomonidan № IAP 05120 raqamli patent olgan.
A.Turayevning keyingi uch yilda xorijning nufuzli jurnallarida (Scopus, Web of science) 6 ta maqolasi chop etildi.
2015 yil-“XXI asr intellektual avlod asri” shiori ostida o‘tkazilgan Respublika tanlovida “Aniq fanlar” yo‘nalishi bo‘yicha 3-o‘rin sovrindori;
2016 yil -O’zbekiston Respublikasi Vazirlar Mahkamasi Fan va texnolo-giyalarni rivojlantirishni muvofiqlashtirish qo‘mitasi tomonidan tashkil etilgan “Yosh olimlarning akademik harakatchanligi” dasturi doirasida o‘tkazilgan yosh olimlar fundamental va amaliy tadqiqotlar loyihalari tanlov g‘olibi bo‘lib, YoA-4-001 raqamli “Fototranzistor strukturalari asosida quyosh nuri oqimini qayd qiluvchi datchiklar yaratish” nomli davlat ilmiy-texnik dasturi doirasidagi loyiha rahbari;
2016 yil-“Eng faol yosh mutaxassis” tanlovining “Eng faol yosh olim” nominatsiyasi bo‘yicha Respublikada faxrli 3-o‘rin sovrindori;
2017 yil-10 - Innovatsion g‘oyalar, texnologiyalar va loyihalar yarmarkasi eng faol ishtirokchisi;
2018 yil - O’zbekiston Respublikasi innovatsion rivojlanish vazirligi “INNO WEEK” dasturi doirasida o‘tkazilgan “Yosh olim” Respublika tanlovi Texnika fanlari yo‘nalishi 2-o‘rin sovrindori bo‘lgan;
2018 yil 18-iyunda Andijon davlat universiteti huzuridagi ilmiy daraja beruvchi PhD.28.02.2018.FM.60.01 raqamli ilmiy kengashda
01.04.10-Yarimo‘tkazgichlar fizikasi ixtisosligida fizika-matematika fanlari bo‘yicha falsafa doktori (PhD) dissertatsiyasi muvaffaqiyatli himoya qilgan;
2019 yil –O’zbekiston Respublikasi Innovatsion rivojlantirish vazirligi tomonidan Respublika miqyosida o‘tkazilgan “Innovatsion g‘oyalar yetakchisi” tanlovida g‘olib chiqib, “Innovatsion g‘oyalar yetakchisi”ko‘krak nishini bilan taqdirlangan;
2020 yil O’zbekiston respublikasi Oliy attestatsiya komissiyasining 284/1-son bayoniga asosan “Yarimo‘tkazgichlar fizikasi” ixtisosligi bo‘yicha dotsent ilmiy unvoni berilgan.
A.Turayevning Davlat ilmiy-texnik dasturlari loyihalardagi ishtiroki:
-F3-FK-094376/F3-001 raqamli “Past haroratli Quyosh qurilmalaridagi issiqlik-massa almashinuvi jarayonlarini ilmiy asoslarini tadqiq etish” (2012-2016 yy.);
-I-2014-4-1 raqamli “Bir vaqtning o‘zida optik signalni atmosfera orqali uzatish va qabul qilish modullarini joriy etish” (2014-2015 yy.);
-2016-2017 yillarga mo‘ljallangan I-2016-4-2 raqamli “Uzatish ochiq optik sistema asosida modulni ishlab chiqish va qo‘riqlash tizimiga qo‘llash” mavzusidagi davlat ilmiy-texnika dasturi loyihalarida kichik ilmiy xodim sifatida ilmiy izlanishlar olib borgan.
