Ish faoliyati: 43 yil Pedagogik faoliyati: 32 yil
1979 yil Buxoro davlat pedagogika institutining Tarix fakultetini tugatgan. 1979-1990 yillarda Buxoro davlat muzeyida katta ilmiy xodim, sektor mudiri lavozimlarida ishladi. 1990 yilning sentyabridan hozirgi kunga qadar Buxoro davlat universitetining Tarix (Buxoro tarixi) kafedrasida ishlab kelmoqda. 2013-2019 yillarda Tarix kafedrasi mudiri. 1982-1989, 2003-2007 yillar O‘zFA Abu Rayhon Beruniy nomidagi SHarqshunoslik institutining mustaqil tadqiqotchisi.
2007 yil Abu Rayhon Beruniy nomidagi SHarqshunoslik instituti huzuridagi Ixtisoslashgan D 015.14.01 raqamli Kengash yig‘ilishida “Buxoro xoligining XVI-XVII asrlar ijtimoiy-siyosiy va ma’naviy madaniy hayotida Jo‘ybor Xojalarining tutgan o‘rni” mavzuida doktorlik dissertatsiyasini himoya qildi.
2018 yil “Do‘stlik” ordeni bilan taqdirlandi. “O‘zbekiston Mustaqilligining 20 yilligi”, “O‘zbekiston Mustaqilligining 30 yilligi” ko‘krak nishonlari sohibi. 2020 yilda professor ilmiy unvonini olgan.
1981-1990 yillar mobaynida besh marotaba Moskvadagi an’anaviy Xalqaro nufuzli ilmiy anjuman – “Bartoldovskie chteniya” (Bartoldxonlik)da o‘z ma’ruzalari bilan ishtirok etdi. Shuningdek, Toshkent, Dushanbe, Turkiston (Qozog‘iston), Ashxobod, Moskva, Tokio-Toshkent, Anqara kabi shaharlarda bo‘lib o‘tgan Xalqaro ilmiy konferensiya va simpoziumlarda ma’ruzalar bilan ishtirok etdi. 2001-2009 yillarda Markaziy Osiyoni tadqiq qilish Fransuz instituti (IFEAC) tomonidan e’lon qilingan loyihalar doirasida Buxoro shahrining tarixiy topografiyasiga doir qator tadqiqotlarni amalga oshirdi. Tadqiqot natijalari esa alohida kitob holda, shuningdek, mazkur institutning internet saytida e’lon qilindi.
Shu yillar davomida ikki yuzdan ortiq ilmiy, ilmiy-ommabop, o‘ndan ortiq kitob risola, uchta o‘quv qo‘llanma va bitta darslik muallifi.
Tarixiy rekonstruksiya masalalari,
Tarixiy tadqiqot usullari,
O’rta Osiyoning qadimgi,
O’rta asrlar xonliklar davri tarixshunosligi,
Eski o’zbek yozuvi va metodologiyasi.
