O‘zbekiston davlat jahon tillari universiteti bilan AQShning Vebster universiteti o‘rtasida 2018 yilning 1 sentyabridan hamkorlikda “Ingliz tilini ikkinchi til sifatida o‘qitish” akademik dasturini amalga oshirish (1 yillik magistratura) bo‘yicha shartnoma imzolandi.Ushbu shartnomaga muvofiq 2018/2019 o‘quv yili uchun 100 nafar talaba qabul qilinishi, o‘qitish Vebster universiteti akademik dasturi asosida tashkil etilishi, darslar Vebster universiteti professor-o‘qituvchilari tomonidan olib borilishi, kurs yakunida bitiruvchilarga Vebster universiteti (AQSh) tomonidan beriladigan diplom taqdim etilishi belgilangan.Magistratura dasturida Respublikamizdagi oliy ta‘lim muassasalarida ta‘lim yo‘nalishi va mutaxassisligidan qat‘iy nazar ingliz tilini bilish darajasi IELTS 6.0 dan kam bo‘lmagan va shunga tenglashtirilgan xalqaro sertifikatga ega bo‘lgan professor-o‘qituvchilar ishtirokini ta‘minlash mutaxassislik fanlarini ingliz tilida o‘qitish sifatini yanada yaxshilash imkoniyatini beradi.Shuningdek, dasturda yuqorida ko‘rsatilgan sertifikatlarga ega bo‘lmagan, ammo ingliz tilini ushbu darajada biladigan talabgorlar maxsus imtihon orqali qabul qilinadi.Magistraturaga hujjatlarni qabul qilish muddati 2018 yil 20 avgust bo‘lib, Sizdan mazkur dasturda o‘qitish uchun professor-o‘qituvchilar safidan dastur talablariga mos bo‘lgan nomzodlarni tavsiya etishingizni so‘raymiz.Ma‘lumot olish uchun O‘zDJTU fakulьtet dekani Omonov Po‘lat Xabitovichga murojaat etishingiz mumkin.Tel: (371) 230-1295, (+99897) 463-88-55.
