Аdliya vazirligi 2018 yilning 17-27 avgust kunlari “Inson huquqlari boʼyicha onlayn murojaat” aktsiyasini oʼtkazadi. Buning uchun 10 kun davomida maxsus virtual maydon tashkil etiladi. Yaʼni maxsusx havola orqali siz adliya masʼullariga inson huquqlari borasida savollaringiz bilan toʼgʼridan-toʼgʼri murojaat qilishingiz mumkin. Аktsiya doirasida faqat quyidagi yoʼnalishdagi murojaatlarga javob beriladi:1. Shaxsiy huquq va erkinliklarga rioya etilishiyashash huquqi, shaxsning erkin harakatlanish huquqi, turar joy daxlsizligi huquqi va shu kabilar);2. Mehnat qilish huquqining kafolatlariishga joylashish, xodim va ish beruvchining huquq va majburiyatlari, mehnat shartlariga rioya etilishi, mehnat taʼtillari, mehnatga haq toʼlash, majburiy mehnatga jalb etganlik uchun javobgarlik, mehnat shartnomalarini bekor qilish, mehnat nizolarini sudda koʼrib chiqish va shu kabilar);3. Taʼlim olish huquqibolani maktabgacha taʼlim muassasasiga joylashtirish, maktabda taʼlim olish, maktabni taʼmirlash, bir taʼlim muassasasidan boshqa taʼlim muassasasiga oʼqishni koʼchirish, oʼqishga qayta tiklash va shu kabilar);4. Mulkdor boʼlish huquqimulkka egalik qilish, foydalanish va tasarruf qilish, mol-mulklarni davlat va jamiyat ehtiyojlari uchun olib qoʼyish, mul-molkka yetkazilgan zararni undirish va shu kabilar);5. Ijtimoiy taʼminot olishpensiya yoshini hamda mehnat stajini aniqlash, nafaqalar, pensiyalar hamda moddiy yordam pullarini olish hamda ularning miqdorini aniqlash,voyaga yetmaganlar, mehnatga layoqatsizlar va yolgʼiz keksalar, nogironligi bor shaxslarga berilgan imtiyozlar);6. Malakali tibbiy yordamtez tibbiy yordam koʼrsatish, tibbiy xizmatlar tariflari, imtiyozli toifaga kiruvchi bemorlarga order berish, ularni shifoxonaga joylashtirish, shaxslarni dori vositalari bilan taʼminlash, surunkali alkogolizm, giyohvandlik yoki zaharvandlikka mubtalo boʼlgan bemorlarni majburiy davolash va shu kabilar);7. Huquqbuzarliklar profilaktikasi samosud, suitsid va oilaviy zoʼravonlikning oldini olish, ichki ishlar idoralari xodimlari tomonidan maʼmuriy bayonnomalarni rasmiylashtirish, huquqni muhofaza qiluvchi organlarning huquq va majburiyatlari).Javoblar foydalanuvchining elektron pochtasiga yo telegram raqamiga shaxsan yoki ijtimoiy tarmoq orqali ommaviy tarzda yoʼllanishi mumkin (savol yoʼllovchining xohishiga koʼra). Murojaatlarni koʼrib chiqish natijalari boʼyicha huquqi buzilgan shaxslar manfaatini himoya qilgan holda taʼsir choralari qoʼllanilishi mumkin.Аktsiya doirasida murojaatlarga javob berish jarayonida “Jismoniy va yuridik shaxslarning murojaatlari toʼgʼrisida”gi Qonun talablari inobatga olinadi.Murojaat yoʼllash uchun havola orqali tegishli formaga oʼting http://cc.uz/15suk Manba:@huquqiyaxborot
