Yoshlar masalalari bo‘yicha respublika idoralararo kengashi majlisining 2018 yil 8 fevraldagi 4-sonli bayonida belgilangan vazifalar ijrosini ta‘minlash hamda talabalarda kitobxonlik madaniyatini oshirish, ijodiy salohiyatini rivojlantirish va qo‘llab-quvvatlash, ularni teatr san‘atiga muhabbat ruhida tarbiyalash, jamiyatda uchraydigan ijtimoiy muammolar va salbiy holatlarni sahna ko‘rinishlari orqali keng jamoatchilikka yetkazish maqsadida rektoratning 2018 yil 20 fevraldagi 124-U sonli buyrug‘i ishlab chiqildi. Unga ko‘ra joriy yilning 26 mart kuni universitet talabalari o‘rtasida “Talabalar teatr studiyalari” festivalini tashkil etish va o‘tkazish belgilandi. Shu asosda 2018 yil 26 mart kuni universitet faollar zalida barcha fakulьtetlar tomonidan shakllantirilgan jamoalar o‘rtasida festivalning birinchi bosqichi o‘tkazildi. Festival Buxoro viloyati musiqali drama teatri va O‘zbekiston yoshlar ittifoqi bilan hamkorlikda tashkil etildi. Festival nizomiga muvofiq Filologiya fakulьtetining “Fitrat” jamoasi “Eng yaxshi spektakl” nominatsiyasi bo‘yicha I DARAJALI DIPLOM bilan, Turizm fakulьtetining “O‘zbegim” jamoasi II DARAJALI DIPLOM bilan, Jismoniy madaniyat fakulьtetining “Iste‘dodli yoshlar” jamoasi III DARAJALI DIPLOM bilan taqdirlandi. Shuningdek, festival nizomiga muvofiq quyidagi nominatsiyalar bo‘yicha talabalar va jamoa rahbarlari taqdirlandilar: “Dolzarb mavzuning sahnaviy talqini uchun”- Tabiiy fanlar fakultetining “Barkamol avlod” jamoasi; “Milliy an‘ana va qadriyatlarni tarannum etgani uchun” – Turizm fakulьtetining “O‘zbegim” jamoasi; “Eng yaxshi erkak roli uchun” - Jismoniy madaniyat fakulьteti 7-4JM-15 guruh talabasi Ne‘matov Zohidjon; “Eng yaxshi ayol roli uchun” – Filologiya fakulьtetining 6-1UZB-14 guruh talabasi Sayfiddinova Nodira; “Eng yaxshi teatr studiyasi rahbari” - Tarix fakulьteti ma‘naviy-ma‘rifiy ishlar bo‘yicha dekan o‘rinbosari A.Boltayev.
